From Wikipedia, the free encyclopedia
Robert Alexander Schumann (Zwickau, 8 de zugno 1810 - Bonn, 29 de lujo 1856) l'é stà un compoxidore e pianista todesco.
Anoverà tra i màsimi conpoxidori de mùxica romantica[1][2][3], inte el corso de ła so breve vita e cariera, el gaveva conposto 250 Lieder, 4 sinfonie e varie ouvertures e conçerti par pianoforte, viołin, viołonceło, ecc.[4] L'é stà el major conpoxidore de Lieder dopo Franz Schubert.[5]
Anca so mojere, Clara Wiek, mejo nota come Clara Schumann, la zera na çełebre conpoxitriçe e pianista.[1][2][3][4][6]
Nato l'8 de zugno 1810 a Zwickau, el zera el pì xòvane de i çincue fiołi de August Schumann, libraro e pianista.[2]
Al decenio 1830-1840, risałe ła gran parte łe so conpoxision par pianoforte, tra cui figura Papillons (1829-1831), Carnaval (1833-1835), Kleisteriana (1838), Kinderszenen ("Scene infantiłi"; 1838), ecc.[7]
'N 'tel 1834, el gaveva fondà na rivista che sarìa diventà famoxa preso i vari crìtiçi muxicałi de l'epoca, la Neue Zeitschrift für Musik ("Nova rivista de mùxica"), de cui l'é stà diretore par diexe ani, dal 1834 al 1844.[3][8]
El 27 de febraro 1854, in preda a problemi psichiçi, el gaveva tentà el suiçidio, butandose inte el fiume Reno e, par 'sto motivo qua, el zera stà internà in un istituto psichiatrico.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.