Provincia de Rovigo
From Wikipedia, the free encyclopedia
Ła Provincia de Rovigo ła xe na provincia itałiana che ła fa parte de ła region del Vèneto. El capòłogo el xe ła sità de Rovigo.
|
|||||
  | |||||
| Pozision | |||||
|---|---|---|---|---|---|
| Stato | Itàłia | ||||
| Rejon | Vèneto | ||||
| Capitałe |  Rovigo | ||||
| Zeografia | |||||
| Àrea | 1 789,93 km² | ||||
| Rente a | |||||
| Organizasion pułìtega | |||||
| Òrgano lejislativo | Consejo provinciale de Rovigo (it)  | ||||
| Còdazi de identifegasion | |||||
| ISO 3166-2 | IT-RO[1] | ||||
| Còdaze postałe | 45100 e 45010–45039 | ||||
| Còdaze de matricołasion | RO | ||||
| Fuzo oràrio | |||||
| Prefiso tełefònego | 0425 e 0426 | ||||
| Còdaze NUTS | ITH37 | ||||
| ID ISTAT | 029 | ||||
| Sito web | provincia.rovigo.it | ||||
 | |||||
Ła confina a nord co łe province de Verona, Pàdoa e Venesia, a ovest co ła provincia de Màntoa in Lonbardìa, a sud co ła provincia de Ferara in Emiłia-Romagna. Ła confina a est co el Mar Adriàtego.
El teritorio de ła provincia el xe el Połéxine d'inqûo[2] o el ghe se cata tuto rento[3]. El ga n'àrea de 1 789 km² e a ghe stà 244 625 àneme ('nte el 2005). El xe un guałivo alto tra i -2 e i 15 m s.l.m..
El confin setentrional el va seconda del Àdeze a partir de Badìa Połézine fin inte el mar, fora che el teritorio de Cavàrsere che el xe inte ła provincia de Venesia.
El confin meridional el va seconda del Po a partir de Mełara fin inte el mar. Inte ła provincia se cata tuto el delta del Po, e el confin el va seconda del Po di Goro.
Ła tera ła se ga fata da poco, tirà su da łe fiumane del Àdeze e del Po, che i ne ga dà un percorso fiso e dei àrxeni soło che in sti ùltimi tenpi. Cusì ła tera ła se sbasa par subsidentia parché ła se ga sugà co łe bonìfiche e deso ła xe drìo conpatarse; se ga xontà anca l'omo, che el ga tirà su l'aqua e el metano da sototera[4].
N'altro fiume el traversa ła provincia: el xe el Canal Bianco; pì ghe xe anca asè scołi de bonìfica parché el Po e el Àdexe i xe el primo e el terzo dei fiumi itałiani par portar aqua, e donca ghe xe asè aqua da tirar vìa. I scołi pì asè inportanti i xe el Collettore Padano, el Ceresoło e el Valdentro.
Ghe xe anca dei altri canałi che i xe stà inportanti par ła storia: i xe l'Adexeto, che el xera un vecio córso del Àdexe; el Poaso, che el xera un vecio córso del Po; ła fosa Polxeła, che el xera un vecio canal che se podéa navigar dal Canal Bianco inte el Po.
El clima el xe semicontinental e asè mojo; ghe xe sòfego d'istà e ghe xe nebia d'inverno. Ła piova ła vien xó normal, specie de primavera e d'autuno[4].
Anca ai dì d'anqûo ghe xe xente che i emigra da ła provincia de Rovigo; i xe soratuto i xóveni che i va a laorar inte łe sità pì sviłupàe del Vèneto o de l'Itałia, e par questo che inte ła provincia ghe xe senpre pì asè veci. Ghe xe anca qûei che i migra da łe canpagne ma che i resta inte ła provincia e i va inte i sentri pì svilupài[4].
Ghe xe 50 comuni inte ła provincia de Rovigo; i pì asè grandi i xe:
Comuni prinsipałi
| Comun | Àneme (2005) |
|---|---|
| Rovigo | 50 922 |
| Adria | 20 593 |
| Porto Viro | 14 484 |
| Lendinara | 12 198 |
| Badìa Połéxine | 10 741 |
| Ociobeło | 10 621 |
| Porto Tołe | 10 377 |
| Tajo de Po | 8 389 |
| Rozołina | 6 304 |
| Viładóze | 5 285 |
Comuni de ła Provincia
Sta divixion aministradiva (Provincia de Rovigo) ła ze dividesta in 50 comuni:
- Adria
- Arian int'el Połexine
- Arquà Połesine
- Badia Połesine
- Bagnoło de Po
- Bergantin
- Bozaro
- Calto
- Canaro
- Canda
- Castelguglielmo
- Castelmassa
- Castelnovo Bariano
- Cenesełi
- Zernian
- Corboła
- Costa de Rovigo
- Crespin
- Ficarolo
- Fiesso Umbertian
- Frasinełe Połesine
- Frata Połesine
- Gaiba
- Gaveło
- Jaciano co Barucheła
- Guarda Vèneta
- Lendinara
- Loreo
- Lusia
- Melara
- Ociobeło
- Papose
- Petorasa Grimani
- Pincara
- Polzeła
- Pontécio Połèzine
- Porto Tołe
- Porto Viro
- Rozołina
- Rovigo
- Sałara
- San Bełin
- San Martin de Venese
- Stienta
- Tajo de Po
- Tresenta
- Viładóxe
- Viłamarsana
- Viłanova Marchezana
- Viłanova del Ghebo
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
