Ondùras
From Wikipedia, the free encyclopedia
Ondùras o Honduras, ufisalmente Repùblega de Honduras, el ze un paeze de Amèrica Sentrałe che el ga łe coste che łe varda inte el mar dei Caràibi al nord e inte el osèano Pasìfego al sud[12].
L'Honduras el ze un stato unitàrio e el se autodefinise cofà lìbaro, sovran e indipendente. El confina verso nord e est col mar dei Caràibi, al sudest co Nicaragua, al sud col golfo de Fonseca e El Salvador, e a l'ovest col Guatemała[13]. I so confini marìtimi i ze arente col Mèsego, Bełize, Cuba, Ìzołe Caiman, Guatemała, Zamàega, Cołónbia, Nicaragua, e El Salvador[14]. La estension teritoriałe de l'Honduras, conprendendo tute łe so izołe, el ze de 112 492 km²[15].
La organizasion teritoriałe de l'Honduras ła divide el paeze, pułìtego-aministrativamente, in 18 departementi, e sti cuà in municipii, par un totałe de 298 munisipi. La forma de goerno ła ze republegana, democràtega e reprezentativa. El poder in Honduras el ze dividesto inte i trè poderi: Lejisłativo, Ezecutivo e Zudisiałe, conplementari e indipendenti e sensa rełasion de subordinasion intrà lori.[16][17]
La popołasion de l'Honduras ła sorpasa i 9 miłioni de abitanti[18][19][20], ła laora prinsipalmente inte łe atività agropascołari, oltre che inte el comèrcio, manufature, e servisi pùbleghi intrà cuełe altre atività. El departemento de Honduras co pì alta densità de popołasion el ze Cortés co i so 400.3 ab./km²[18]. El paeze el ze multiètnego, el consta de cuatro grande fameje étneghe: metisi, bianchi, neri e indìzani. I pòpułi indìzeni cofà i lencas, misquitos, tolupanes, chortis, pech, tawahkas, garífunas e criołi de parlada ingleza.
El teritòrio de l'Honduras el ze tanto àspero, el ze formà da alte fiłe de montagne, ełevae pianure, vałi profonde inte łe cuałe se cata piani estendesti e fèrtiłi che i se croza co fiumi pì o manco de granda portada e racuanti navegabiłi[21], el cuało inte el so insieme contribuise a ła so rica biodiversità[22].
Se stima che in Honduras ghe sìpia sirca 8000 spece de piante, sirca 250 de rètiłi e anfibii, pì de 700 spece de avi e 110 spece de mamìferi, distribuie inte łe diferenti rejon.
Honduras el ghea declarà ła so Indipendensa da ła Spagna inte el 15 de setenbre del 1821. In zenaro del 1839, ła zera stada adotà formalmente ła prima costitusion del paeze. El zenerałe Francisco Ferrera el zera devegnesto el primo presidente constitusionałe (1841-1843) del paeze[16]. Inte el 1891 el se ghea fondà el primo partio pułìtego, el Partio Libarałe de l'Honduras, e inte el 1902 el Partio Nasionałe de l'Honduras, i cuałi i ga goernà el paeze da chel momento. Co łe ełesion zenerałi del 1981 e ła nova costitusion del 1982 ła scumisia ła denomenada Era Democràtega. Inte el 2009 el paeze el ghea traersà ła pì granda de łe so crize pułìteghe e sociałi, che ła zera finia inte un colpo de Stato al Poder Ezecutivo e che el ghea dividesto el Partio Libarałe.
L'Honduras el se divide in 18 departementi, ogni uno dei cuałi el ga el so goernador dezignà dal presidente. I departementi i se divide in munisipi, che a so volta i se divide in sità de viłaji. La capitałe de la Repùblega ła ze Tegucigalpa, che unia co ła sità de Comayagüela i conforma el Distrito Central; zurisdision del Departemento de Francisco Morazán.[23]
| Divizion teritoriałe de Honduras | ||||||||
|---|---|---|---|---|---|---|---|---|
 | ||||||||
| Còd | Departemento | Pop. (2010/2011) | Sup. (km²) | Capitałe | ||||
| 1 | Atlántida | 572 551 | 4.372 | La Ceiba | ||||
| 2 | Colón | 293 540 | 8.249 | Trujillo | ||||
| 3 | Comayagua | 442 251 | 5.124 | Comayagua | ||||
| 4 | Copán | 362 226 | 3.242 | Santa Rosa de Copán | ||||
| 5 | Cortés | 2 120 291 | 3.923 | San Pedro Sula | ||||
| 6 | Choluteca | 605 504 | 4.360 | Choluteca | ||||
| 7 | El Paraíso | 427 232 | 7.489 | Yuscarán | ||||
| 8 | Francisco Morazán | 1 691 056 | 8.619 | Tegucigalpa | ||||
| 9 | Gracias a Dios | 88 314 | 16.997 | Puerto Lempira | ||||
| 10 | Intibucá | 232 509 | 3.123 | La Esperanza | ||||
| 11 | Islas de la Bahía | 47 158 | 236 | Roatán | ||||
| 12 | La Paz | 196 322 | 2.525 | La Paz | ||||
| 13 | Lempira | 315 565 | 4.228 | Gracias | ||||
| 14 | Ocotepeque | 132 453 | 1.630 | Ocotepeque | ||||
| 15 | Olancho | 509 564 | 23.905 | Juticalpa | ||||
| 16 | Santa Bárbara | 402 367 | 5.024 | Santa Bárbara | ||||
| 17 | Valle | 171 613 | 1.665 | Nacaome | ||||
| 18 | Yoro | 552 100 | 7.781 | Yoro | ||||
| Informasion del Censo 2010 Fonte: INE[24] | ||||||||
Monte Celaque
Someja da satełite sora el Rio Coco
Tegucigalpa
Sito istorego de Copàn
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
