![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/86/Lorem_ipsum_design.svg/langvec-640px-Lorem_ipsum_design.svg.png&w=640&q=50)
Lorem ipsum
From Wikipedia, the free encyclopedia
El lorem ipsum el ze un testo senjaposto doparà da gràfeghi, designer, programadori e tipògrafi par inpenir boseti e prove grèfeghe[1]. El ze un testo sensa senso, formà da parołe (o parte de parołe) in łengua łatina, ciapàe pseudocazualmente da un scrito de Cicerone del 45 v.C, a volte alteràe co l'inserimento de pasaji iròneghi. Ła caratarìstega prinsipałe ła ze che l'ofre na destribusion de łe łétare uniforme, aparindo cofà un normałe bloco de testo łezìbiłe.
![Thumb image](http://upload.wikimedia.org/wikipedia/commons/thumb/8/86/Lorem_ipsum_design.svg/640px-Lorem_ipsum_design.svg.png)
El testo el ze stà doparà par ła prima volta inte el 1500 da un anònemo tipògrafo par mostrar i só caràtari; da łora el ze deventà el stàndar de l'industria tipogràfega. No'l ze sopravisùo sol che a pì de sincue sècołi, ma anca al pasajo a ła videoinpazenasion, rivando fin a nialtri sostansialmente mìa alterà. El ze stà fato deventar popołare, inte i ani '60, co ła defuzion de i foji de caràtari trasferìbiłi "Letraset" e pì tardi da i pì defarenti programi de gràfega.
In informàtega el ze doparà asà de frecuente cofà testo inpenidivo inte łe proe gràfeghe de pàzene web e cofà insenbre de dati mìa veri inte ła prova de funsionamento de i database. El dòparo de 'sto espediente, par inpenir spasi che sinò i sarìa vodi (anca par spetar i dati definidivi), el ze asà eficase grasie sora de tuto a l'alternansa de parołe łonghe e curte, pontejadura e paràgrafi. In 'sta manjera A vien simułà co sufisiente somejansa al vero l'inpato gràfego de un testo reałe, in modo particołar par cuanto che el revarda l'inpato estètego.