L'esperanto el xe na lengua artificiale svilupà tra el 1872 e el 1887 da l'oftalmologo polaco Ludwik Lejzer Zamenhof. La xe de sicuro la pi conossiùa e doparà tra le lengue ausiliarie internazionài esistenti[1]. Presentà in tel "Primo Libro" (Unua Libro - Varsavia, 1887) come Lingvo Internacia ("Lengua internazional"), la ga tolto in seguito el nome esperanto ("colui che spera") dal pseudonimo de Doktoro Esperanto doparà dal so creator. El scopo de sta lengua el xe quelo de far dialogar insieme i diversi popoli, sercando de far su tra de lori n'atmosfera de comprension e pace co na seconda lengua semplice ma espressiva, che apartègna a l'umanità e no ad un popolo. Vegnarìa quindi protèti i idiomi "picenini" che senò i sarìa condanà a l'estinsion da la forza de le lengue de le nasion pi forti.
Esperanto ![]() | |
---|---|
![]() ![]() | |
Nome locaƚe | Esperanto |
Creator | Ludwik Lejzer Zamenhof |
Data | 26 de lujo del 1887 ![]() |
Tipo | łéngua pianifegada, łéngua auziliària, lingua a posteriori (it) ![]() ![]() |
Parlà in | 120 paesi in tel mondo |
Parlanti | |
Totałe | da 100 000 a 3 milioni (soratuto come seconda lengua) (2015 ![]() |
Caratarìsteghe | |
Scritura | alfabeto latin |
Regoƚà da | Akademio de Esperanto (it) ![]() ![]() |
Istòria | storia dell'esperanto (it) ![]() ![]() |
Epònemo | Doktoro Esperanto (it) ![]() ![]() |
Còdazi | |
ISO 639-1 | eo |
ISO 639-2 | epo |
ISO 639-3 | epo ![]() |
SIL | ESP |
Glottolog | espe1235 ![]() |
Linguasphere | 51-AAB-da ![]() |
Ethnologue | epo ![]() |
Linguist List | epo ![]() |
IETF | eo ![]() |
Destribusion zeogràfega | |
![]() La bandiera de l'esperanto |
Le regole de la gramàtega de l'esperanto le xe stà sielte da quele de varie lengue studià da Zamenhof, in maniera che le fusse semplici da imparar ma le podesse anca darghe a sta lengua la stessa espressività de na lengua etnica; lore no le prevede ecezioni. Anca i vocaboli i deriva da idiomi preesistenti, alcuni (specie quei introdoti de recente) da lengue mìa indoeuropee come el giaponese, ma in gran parte da latin, lengue romanze (in particolare italian e francese), lengue germaniche (todesco e inglese) e lengue slave (russo e polaco).
Alcuni studi i ga dimostrà che efettivamente se trata de na lengua semplice da imparar anca da autodidàti e in età adulta, par via de le forme regolari[2], mentre la so espressività simile a le lengue naturali la xe dimostrà da la tradusion de opere de notevole spessore leterario[3]. La cultura originale esperantista la ga prodoto e la produse in tute le arti: da la poesia e la prosa fin al teatro ed a la musica. La logica con cui la xe stà creà la minimizza l'ambiguità, par cui la se presta a vegner doparà in informatica, inte el ramo de la lenguistica computazional par el riconossimento automàtego del lenguajo[4].
Ghe xe proposte par doparar l'esperanto come lengua franca ne l'Union Europea[5]. Defati se evitarìa de spéndar el 40% del bilancio in tradusion par via del sistema de desso, se diminuirìa l'ambiguità dovùa a controversie interpretative o de resa de la tradusion in diverse lengue[6], e al stesso tempo no se ghe darìa vantagio a nissun Paese sora i altri.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.