From Wikipedia, the free encyclopedia
L'educasion (dal verbo latin educĕre (cioè tirar fora, o "tirar fora chel che sta drento"), derivante a so olta da l'union de ē- (“da, fora da”) e dūcĕre ("condure").[1], segondo altri invese el derivaria dal verbo łatin educare ("tirar fora, ałevare").[2] ła xe che l'atività, influensada inte i difarenti periodi storeghi da łe varie culture, che ła façiłita, ła xviłupa e ła forma in conoscensa e capaçità mentałi, soçałi e conportamentali in un individuo.[3]
El termine el xe tante olte pensà come interscanbiàbiłe a insegnamento o istrusion, anca se st'ultima ła se dopara par indicare metodołoxie pì "traxmisive" dei saveri. Tutavia, sibèn che łe stratexie de l'istrusion łe połe esare parte de un caminamento educativo, el signifegà de educasion el xe pì grando e che el mira a trar fora e potensiar anca ła cualità e łe conpetense inesprimùe.
In lengua vèneta el termine educà el xe anca sinonimo de un individuo che el segue na condota sociałe coreta inte i confronti de norme che no łe xe nesesàriamente codifegae (anca se xeneralmente condivideste), łe cusì ciamae "creanse" come ła jentiłesa e łe bone manjiere che caxi tuti conosemo e che talvolta no se aplica.
N'altro motivo de caxìn el xe anca dovuo a łe difarenti manjiere de doparare sto termine inte łe difarenti lengue, (par exenpio inte ła lengua inglexe co "education" tante olte el njien doparà anca par indicare el termine "istrusion").[4] La streta conesion che ghe xe intrà el savere ciapà da uno o pì persone (istrusion) e el so conportamento (educasion), ła połe far parere łe do parołe sinonime in vari contesti.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.