![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e6/HarryTruman.jpg/640px-HarryTruman.jpg&w=640&q=50)
Dotrina Truman
From Wikipedia, the free encyclopedia
La dotrina Truman ła ze ła stratezia de pułìtega estera ideada dal presidente dei Stati Unii d'Amèrica del tenpo Harry S. Truman e anunsada el 12 de marso 1947[1], inte un descorso gavesto al Congreso, partindo dai avegnimenti de Gresa e Turchia, che i ghea dasà intravédare ła pusibiłità de na rendesta davanti a l'espansionismo soviètego. La Gresa ła se catava inte el mezo de na guera siviłe, fìnia dopo inte el 1949, andove i se scontrava intrà reałisti e comunisti; ła Turchia, invese, ła sofria de łe presion sovièteghe che łe mirava a sistemasion teritòriałi inte i stratèzeghi destreti de Kars e Ardahan, e a ła revizion del rezime dei Streti regołà da ła convension de Montreux del 1936.
![Thumb image](http://upload.wikimedia.org/wikipedia/commons/thumb/e/e6/HarryTruman.jpg/640px-HarryTruman.jpg)
La dotrina ła se proponea de contrastar i vołeri espansionisti de l'aversàrio comunista inte el mondo. El ze inportante da sotoliniar cofà che l'Union Soviètega ła fuse ciaramente inte el mezo dei pensieri de Truman, anca se inte el so discorso sto Paeze no el zera mai sta diretamente nomenà.