From Wikipedia, the free encyclopedia
Alvise Giovanni Mocenigo (19 de majo 1701 – 31 de diçenbre 1778) xe stà un doge venesian.
 | |
| Biografia | |
|---|---|
| Nasimènto | 19 de majo del 1701 Venèsia (Itàlia) |
| Mòrte | 31 de disenbre del 1778 (77 ani) Venèsia (Itàlia) |
| Liogo de sepełimento | Baxéłega de San Zanipoło |
| 118o Doxe | |
| 19 de apriłe del 1763 – 31 de disenbre del 1778 ← Marco Foscarini – Paolo Renier → | |
| Dati personałi | |
| Rełijon | Catołicismo |
| Atività | |
| Laóro | |
| Fameja | |
| Fameja | Mocenigo (it)  |
| Spoxa | Pisana Corner di Ferigo (it) Polissena Contarini Da Mula (it) |
 | |
 | |
Fioło de Alvise e Paolina Badoer, el xe sta e sentodisdoteximo doxe de ła Republica de Venesia dal 19 de apriłe 1763 ała morte. El xe sta el quarto doxe de ła caxata dei Mocenigo a portare sto nome.
De fameja siora e potente, el gheva avù na rapida e sfaviłnte carriera, coerzendo co bon èzito tante càreghe. Sposà co Pisana Corner (che ła xe morta durante el so dogado inte el 1769, anca se qualche fonte ła fa morir inte el 1796) el ga avù siè fiołi mas-ci. Abiłe dal punto de vista diplomatego-połitego el popoło ło cojonava considerandoło de caratare debołe, influensà da ła mujer, considerà ła vera "doxe", s-ciavo dei so vizi e on fià infemenà.
El zera 'rivà ała masima carica el 19 de apriłe 1763, unico concorente, co tuti i voti disponibiłi. Ła Republica venesiana ła zera ormai in piena decadensa, fora da ła połitega internasionałe, sarà inte on'imobiłe neutrałità, ixołà dal progreso econòmego, quaxi in bałìa dei eventi. El so dogado infati el xe ricordà pì par ła fineza dei arredi del so apartamento che par motivi storego-sociałi.
Inte i ann '70 del secoło ła crixi econòmega ła ga inperversà in tuta ła Republica e i rimedi i xe sta poco pì che paliativi. Łe lexe contro el luso łe se rivełava altretanto inutiłi e a ghe zera pareci scandałi finanziari e sesuałi, indice de ła decadensa morałe de ła clase dirigente. Anca el doxe steso el zera restà coinvolto da na storia inbarazante quando el so aneło dogałe el zera sta catà in man a na nobildona. Nonostante sta situasion el Mocenigo el xe sta un bon governante, moderato, generoxo, forse pì senplice spetator de on Stato che andava a tuta forsa incontro al so destin che vero governante.
Par sercar de spinzare l'economia, el ga provà a łigare inportanti rełasion comerciałi co Tripołi, Tunixi, el Maroco, ła Rusia e anca co łe Americhe.
El xe morto el 31 de diçenbre 1778.
Wikimedia Commons el detien imàjini o altri file so Alvise Giovanni Mocenigo
el detien schemi gràfeghi so | Controło de autorità | VIAF (EN) 89431668 · ISNI (EN) 0000 0001 1774 0441 · El vałore CUBV113396 de SBN no el xe mija bon. · GND (DE) 139851720 · CERL cnp01203366 · WorldCat Identities (EN) 89431668 |
|---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
