Vadim Afonin
From Wikipedia, the free encyclopedia
From Wikipedia, the free encyclopedia
Vadim Sergeyevich Afonin (1987-yil 29-sentyabrda tugʻilgan) – oʻzbekistonlik va rossiyalik sobiq professional futbolchi, faoliyati davomida tayanch yarim himoyachi ampulasida oʻynagan.
.jpg) | |||
| Shaxsiy maʼlumot | |||
|---|---|---|---|
| Toʻliq ismi | Vadim Sergeyevich Afonin | ||
| Tavallud sanasi | 29-sentyabr 1987-yil | ||
| Tavallud joyi | Toshkent, Oʻzbekiston SSR | ||
| Boʻyi | 176 m (577 ft 5 in) | ||
| Ampluasi | Yarim himoyachi | ||
| Yoshligida aʼzo boʻlgan klublar | |||
| Traktor | |||
| Professional faoliyati* | |||
| Yillar | Jamoa | Isht. | (Gol.) |
| 2005 | Traktor | 24 | (0) |
| 2006—2008 | Rubin | 1 | (0) |
| 2009—2012 | Shoʻrtan | 69 | (4) |
| 2013 | Salyut | 35 | (2) |
| 2014—2017 | Orenburg | 103 | (5) |
| 2017 | Anji | 13 | (0) |
| 2018—2019 | Orenburg | 49 | (5) |
| 2020 | Lokomotiv | 15 | (0) |
| Milliy terma jamoa | |||
| 2004 | Oʻzbekiston U17 | 7 | (2) |
| 2007 | Oʻzbekiston U20 | 5 | (0) |
| 2009 | Oʻzbekiston U23 | 2 | (0) |
| 2012—2017 | Oʻzbekiston | 6 | (0) |
| *Professional klublardagi gollari (ichki chempionat) | |||
Toshkentdagi „Traktor“ klubi maktabi tarbiyalanuvchisi. Vadim Traktor klubining yoshlar jamoasida oʻynagan va professional faoliyatini 2005-yilda aynan shu klubda boshlagan. „Traktor“ klubining asosiy jamoasida u bir mavsum oʻynagab, 25 oʻyinda ishtirok etgan.
2006-yilgi mavsumda Qozonning „Rubin“ klubiga oʻtgan. Vadim Qozondagi faoliyati asosan oʻrinbosarlar va farm klub tarkibida oʻynagan. Asosiy jamoa tarkibida ilk, debut oʻyinini Rossiya kubogining 1/16 final bosqichida „Smena“ jamoasiga qarshi oʻyinda oʻtkazgan. 2010-yilgi mavsumda „Rubin“ jamoasi bilan Hamdoʻstlik kubogini qoʻlga kiritgan. Barcha oʻyinlarda ishtirok etib, 1 ta gol urgan.
2009-yilda Gʻuzorning „Shoʻrtan“ klubi bilan shartnoma imzolab, Oʻzbekistonga qaytib kelgan. Afonin Shoʻrtan jamoasi 2012-yil oxirigacha oʻynagan. 2011-yilda „Shoʻrtan“ tarkibida OFK kubogi turnirida ishtirok etib, 1/8 finalgacha yetib borgan. Vadim „Shoʻrtan“ safida jami 69 ta oʻyin oʻtkazib, 4 ta gol urgan.
2013-yilda Rossiyaga qaytgan va Belgorodning Salyut jamoasi bilan shartnoma imzolagan. 2013-yilgi mavsum davomida 35 ta oʻyin oʻtkazib, 2 ta gol muallifi boʻlgan. 2014-yil fevral oyida Afonin Orenburgning Gazovik klubi bilan shartnoma imzolagan[1]. 2017-yilning 21-iyun kuni „Anji“ klubi Afonin bilan bir yillik shartnoma imzolaganini eʼlon qilgan[2]. Vadim 2018-yilning 11-yanvar kunida „Orenburg“ jamoasi tarkibiga qaytgan[3]. 2020-yilning 19-fevralida „Orenburg“ bilan shartnomani bekor qilgan[4].
2020-yil 2-mart kuni Afonin Oʻzbekistonga qaytib kelgan va Toshkentning „Lokomotiv“ klubi bilan shartnoma imzolagan[5]. Lokomotiv jamoasida mavsum soʻngiga qadar oʻynagan va yil soʻngida faoliyatini yakunlagan.
16 yoshidan boshlab yoshlar terma jamoasiga, keyinchalik esa Oʻzbekiston yoshlar terma jamoasiga chaqirila boshlangan. Vadim 2012-yili Oʻzbekiston milliy terma jamoasi safida ilk oʻyinini Quvayt terma jamoasiga qarshi oʻrtoqlik uchrashuvida (3:0) oʻtkazgan.
2017-yilning 12-iyunda Afonin Oʻzbekiston milliy terma jamoasidagi soʻngi oʻyinini Eron terma jamoasiga qarshi oʻtkazgan. Vadim faoliyati davomida terma jamoa tarkibida 6 ta oʻyinda ishtirok etgan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
