From Wikipedia, the free encyclopedia
Sara Björk Gunnarsdóttir (1990-yil 29-sentyabrda tugʻilgan) — islandiyalik professional futbolchi, Italiya A seriyasining Juventus klubi yarim himoyachisi va Islandiya ayollar terma jamoasi sardori.
Shaxsiy maʼlumot | |||
---|---|---|---|
Toʻliq ismi | Sara Björk Gunnarsdóttir | ||
Tavallud sanasi | 29-sentyabr 1990-yil | ||
Tavallud joyi | Iceland | ||
Ampluasi | Yarim himoyachi | ||
Klub maʼlumoti | |||
Joriy klub | Juventus | ||
Raqami | 77 | ||
Professional faoliyati* | |||
Yillar | Jamoa | Isht. | (Gol.) |
2004-2008 | Haukar | 22 | (18) |
2008-2010 | Breiðablik | 41 | (17) |
2011-2016 | FC Rosengård | 110 | (34) |
2016-2020 | VfL Wolfsburg | 63 | (12) |
2020-2022 | Olympique Lyonnais | 17 | (3) |
2022- | Juventus | 1 | (0) |
Milliy terma jamoa‡ | |||
2007 | Islandiya U-17 | 4 | (0) |
2007-2008 | Islandiya U-19 | 13 | (4) |
2007- | Islandiya | 139 | (22) |
*Professional klublardagi gollari (ichki chempionat) (2022-yil 27-avgust uchun) ‡ Milliy terma jamoadagi gollari (2022-yil 17-may uchun) |
Sara Björk 2007-yildan buyon Islandiya ayollar futbol terma jamoasi aʼzosi boʻlib, 2009-, 2013-, 2017- va 2022-yillardagi UEFA ayollar chempionatida oʻz mamlakatini himoya qilgan. U ikki marta, 2018-[1] va 2020-yillarda[2] Islandiyada yilning eng yaxshi sportchisi deb topilgan. 2020-yil avgust oyida u UEFA Ayollar Chempionlar Ligasida g‘olib chiqqan birinchi islandiyalik bo‘ldi[3].
Sara Björk olti yoshida mahalliy Haukar jamoasiga qoʻshildi va u 18 yoshiga qadar oʻsha klubda oʻynadi. Breiðablik bilan keyingi uch mavsumdan soʻng 2011-yilda Islandiyani tark etib, Shvetsiyaning LdB FC Malmö klubi bilan uch yillik professional shartnoma imzoladi[4]. U Shvetsiyada tez orada muvaffaqiyat qozondi va 12 ta gol urdi, Malmö Damallsvenskan chempionligini qoʻlga kiritdi[5]. 2013-yil avgust oyida u Twitter orqali Malmö bilan shartnomasini yana ikki yarim mavsumga uzaytirganini eʼlon qildi[6].
2016-yilning may oyida Sara Björk Malmö (hozirgi Rozengard nomi bilan tanilgan) bilan shartnomasini uzaytirmasligini eʼlon qildi va besh yil ichida toʻrtta Damallsvenskan chempionligini qoʻlga kiritgach, Shvetsiyani tark etishni rejalashtirdi. Oʻsha bosqichda u Germaniyaning VfL Wolfsburg klubiga oʻtishi haqidagi taxminlarni tasdiqlamadi[7]. Koʻp oʻtmay, 2016-2017-yilgi mavsum oldidan Wolfsburgga transfer rasmiylashtirildi[8]. Wolfsburg bilan toʻrt mavsumda klub har yili Frauen-Bundesliga va Germaniya kubogini qoʻlga kiritdi[9].
2020-yil 1-iyulda u Olympique Lyonnaisga qo‘shildi[10]. 9-avgust kuni jamoasi Fransiya kubogi doirasida Paris Saint-Germainni penaltilar seriyasida mag‘lub etdi, Sara klub bilan birinchi chempionligini qo‘lga kiritdi[11]. 30-avgust kuni u UEFA ayollar chempionlar ligasi finalida oʻzining sobiq jamoasi Wolfsburgga qarshi Olympique Lyonnaisning 3:1 hisobida gʻalaba qozongan oʻyinida bitta gol urdi[12].
2020-yil dekabr oyida Sara Islandiyaning yilning eng yaxshi sportchisi deb topildi va bu sovrinni ikki marta yutgan birinchi ayolga aylandi[13]. 2021-yil aprel oyida u birinchi farzandiga homilador ekanligini eʼlon qildi. U 2022-yilning mart oyida maydonga qaytdi. Oʻsha yilning may oyida u mavsum oxirida Lyonni tark etishini tasdiqladi[14].
2022-yilning 1-iyulida Sara Juventus ga oʻtdi[15].
Sara Björk 2007-yilning avgust oyida 16 yoshida Islandiyaning kattalar terma jamoasiga kiritilgan[16].
17 yoshga toʻlishiga hali bir oy qolganda, u milliy terma jamoadagi debyutini Dravogradda boʻlib oʻtgan UEFA ayollar oʻrtasidagi Yevro-2009 saralash bosqichi doirasidagi Sloveniyaga qarshi oʻyinda oʻtkazdi. Sara Björk 87-daqiqada Katrín Ómarsdóttir oʻrniga maydonga tushdi.
Sara Björk 2009-yil Algarve kubogida Islandiya terma jamoasi Norvegiya ustidan 3:1 hisobida gʻalaba qozongan oʻyinda ikkita gol urdi va Finlandiyada boʻlib oʻtadigan UEFA ayollar oʻrtasidagi Yevro-2009 finali uchun tarkibga kiritildi[17]. U guruhdagi uchta o‘yinda ham ishtirok etdi, Islandiya birinchi bosqichdayoq musobaqadan chiqib ketdi.
Ayollar terma jamoasi bosh murabbiyi Sigurður Eyjólfsson uni UEFA Ayollar oʻrtasidagi Yevro-2013 musobaqasi uchun tanladi[18], toʻrtta oʻyinda qatnashdi, chorak finalda mezbon Shvetsiyaga 4:0 hisobida magʻlub boʻldi.
Margrét Lara Viðarsdóttir tugʻruq taʼtilida boʻlganligi sababli, 2014-yilda yangi terma jamoa bosh murabbiyi Freyr Alexandersson Sara Björkni Islandiya terma jamoasi sardori etib tayinladi[19].
Sara Björk 2018-yilgi UEFA ayollar oʻrtasidagi Chempionlar ligasi finalida jarohat olib, oqsoqlanib qoldi. U 2018-yilning iyun oyida Islandiyaning Sloveniyaga qarshi o‘yinida ishtirok eta olmagan[20].
Sara Björk hamkasbi Árni Vilhjálmssonga turmushga chiqqan, juftlikning bir oʻgʻli bor[21].
Rosengård
VfL Wolfsburg
Olympique Lyonnais
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.