Guliston shahridagi Prezident maktabi — 2021-yil 20-noyabr kuni Guliston shahrida ochilgan zamonaviy taʼlim muassasasi. Maktabda darslar STEAM yoʻnalishiga oid oʻquv qoʻllanma va darsliklar orqali olib boriladi[3]. Maktabga xorijiy davlatlardan 7 nafar mutaxassis jalb qilingan. Ular bilan birga 23 nafar mahalliy oʻqituvchilar faoliyat yuritadi[1]. Boshqa manbada Gulistondagi Prezident maktabida 11 nafar xorijlik va 21 nafar mahalliy pedagoglar faoliyat olib borishi qayd etilgan[4]. Prezident maktablari uchun kirish imtihonlari Cambridge universitetining Cambridge Assessment International Education imtihon kengashi tomonidan oʻtkaziladi.
| Guliston Prezident maktabi Guliston shahridagi Prezident maktabi | |
|---|---|
| Joylashgan yeri | |
| Navoiy shoh koʻchasi, Shodlik mahallasi, 260 A uy Sirdaryo viloyati Guliston shahri,  Oʻzbekiston | |
| Maʼlumot | |
| Maktab turi | Prezident maktabi |
| Ochilgan sanasi | 2021-yil 20-noyabr |
| Mutaxassislar | Mahalliy 23 ta, chet ellik 7 ta[1]. |
| Direktor | Xudaykulov Sherzod Uktamovich[2]. |
| Til | Oʻzbekcha Inglizcha |
| Website | Guliston shahridagi Prezident maktabi |
Guliston shahridagi ushbu oʻquv muassasasi rasman 2021-yil 20-noyabrda ochilgan. Ochilish marosimida Sirdaryo viloyati hokimi — G‘ofurjon Mirzayev, jamoatchilik vakillari, nuroniylar, oʻquvchilarning ota-onalari va OAV xodimlari ishtirok etgan[4]. Maktab qurilishi uchun 2 gektar yer maydoni ajratilgan[5]. Loyihaning umumiy qimati 84 milliard soʻm[3]. Qurilish ishlari „Discover Invest“ kompaniyasi tomonidan olib borilgan. Kompleks tarkibida 168 oʻrinli oʻquv binosi, shuncha oʻrinli yotoqxona, oshxona, sport zali, bosseyn, badiiy va oʻquv adabiyotlarini oʻzida jamlagan kutubxona mavjud. Maktab bitiruvchilari shahodatnoma, attestat, shuning bilan birga xalqaro darajadagi dastur diplomiga ega boʻlishi mumkin.
Maktab oʻquvchilari 5 mahal ovqat, bepul maktab formasi va bepul yotoqxona bilan taʼminlanadi. Oʻquvchilar darsdan boʻsh paytida kompyuterda ishlashlari uchun zarur shart sharoitlar yaratilgan. Sinfxonalar smart doskalar bilan jihozlangan. Barcha turdagi sport anjomlariga ega sport zali, basketbol va futbol maydonchalari ham mavjud[1].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
