Kvebek

Kvebek (fransuzcha: Québec, talaffuzi: [ke.bɛk]; inglizcha: Quebec, talaffuzi: [kwəˈbɛk] yoki [kəˈbɛk]) – Kanadaning sharqiy qismidagi provinsiya. Maydoni 1540,7 ming km². Aholisi 9 million kishi (2023), asosan, kanadalik fransuzlar. Maʼmuriy markazi – Kvebek shahri, eng katta shahri – Monreal. Kvebekning koʻp qismi Labrador yarim orolda joylashgan, janubda Appalachi togʻlarining tarmoqlari (balandligi 1 311 m gacha) joylashgan, San-Lavrentiy daryo vodiysi pasttekislikdan iborat. Kvebekning shimoli tundra, oʻrta va janubiy qismi oʻrmon. Yanvarning oʻrtacha temperaturasi shim. da –24 °C dan jan.da –10 °C gacha, iyulniki 11–21 °C, yillik yogʻin 500–1 000 mm.

Bu atamaning boshqa maʼnolari ham mavjud. Qarang: Kvebek (maʼnolari).

Kvebek Quebec
Provinsiya
Bayroq Gerb
52°0′0″N 72°0′0″W
Mamlakat	Kanada
Hukumat
• Bosh vazir	François Legault [en]
Maydon	1,542,056 km2 (595,391 kv mi)
Aholisi  (2023[1])	9 000 049
Zichligi	6,23 kishi/km2
Vaqt mintaqasi	UTC-5
Pochta indeks(lar)i	QC
Kvebek

Kvebek – iqtisodiy jihatdan rivojlangan provinsiya, elektr stansiyalarining umumiy quvvati jihatdan va alyuminiy i.ch.da mamlakatda yetakchi oʻrinda. Temir, mis, polimetall, oltin, kumush, nikel, asbest konlari bor. Kanadada olinayotgan asbestning aksari qismi Kvebekda qazib olinadi. Neftni qayta ishlash, mashinasozlik, toʻqimachilik, moʻyna, koʻn poyabzal, oziq-ovqat, sellyuloza-qogʻoz sanoati rivojlangan.

Qishloq xoʻjaligining yetakchi tarmogʻi – sut chorvachiligi. Parrandachilik ham rivojlangan. Ichki va tashqi suv havzalarida baliq ovlanadi. Sanoat markazlari va portlari: Monreal va Kvebek. Kvebekning hozirgi hududida yevropaliklar kelgunga qadar indeys va eskimos (shimoliy qismida) qabilalari yashagan. Kvebekni dastlab (1608) fransuzlar egallagan. Yetti yillik urush (1756–1763) dan soʻng Buyuk Britaniya qoʻliga oʻtdi. 1774-yilda „Kvebek“ nomini oldi. 1867-yildan Kanada provinsiyasi. Kvebekning chegarasi 1898- va 1912-yillarda shimolga tomon ancha kengaydi.

Aholisi

Aholining oʻsishi

Yil Aholi ±% 1822 427 465 —     1831 553 134 +29.4% 1841 650 000 +17.5% 1851 892 061 +37.2% 1861 1 111 566 +24.6% 1871 1 191 516 +7.2% 1881 1 359 027 +14.1% 1891 1 488 535 +9.5% 1901 1 648 898 +10.8% 1911 2 005 776 +21.6% 1921 2 360 665 +17.7% 1931 2 874 255 +21.8% 1941 3 331 882 +15.9% 1951 4 055 681 +21.7% 1956 4 628 378 +14.1% 1961 5 259 211 +13.6%	Yil Aholi ±% 1966 5 780 845 +9.9% 1971 6 027 765 +4.3% 1976 6 234 445 +3.4% 1981 6 438 403 +3.3% 1986 6 532 460 +1.5% 1991 6 895 963 +5.6% 1996 7 138 795 +3.5% 2001 7 237 479 +1.4% 2006 7 546 131 +4.3% 2011 7 903 001 +4.7% 2012 8 085 900 +2.3% 2013 8 155 500 +0.9% 2014 8 214 500 +0.7% 2015 8 259 500 +0.5% 2016 8 326 100 +0.8% 2017 8 398 200 +0.9%
Manba: (Wayback Machine saytida 2008-02-13 sanasida arxivlangan)

Manbalar

1. „Population estimates, quarterly“. Statistics Canada (2023-yil 27-sentyabr). 2023-yil 28-sentyabrda asl nusxadan arxivlangan. Qaraldi: 2023-yil 28-sentyabr.

Adabiyotlar

• Oʻzbekiston milliy ensiklopediyasi. Birinchi jild. Toshkent, 2000-yil.

Havolalar

• Rasmiy sayti (inglizcha)
• Kvebek Curlie katalogida