Jassim bin Hamad stadioni
From Wikipedia, the free encyclopedia
Jassim bin Hamad stadioni (arabcha: ملعب جاسم بن حمد) – Qatarning Al-Rayyan shahridagi futbol stadioni boʻlib, Doha markazidan 5 kilometr (3 milya) gʻarbda joylashgan. Bu Qatar Yulduzlar Ligasida ishtirok etadigan Al Sadd Sports Club futbol jamoasining uy maydoni boʻlib, vaqti-vaqti bilan Qatar erkaklar va ayollar milliy futbol jamoalari tomonidan uy maydonlaridan biri sifatida foydalaniladi. 1969-yilda Al Sadd asoschilariga Klubni tuzishga ruxsat bergan Qatarning oʻsha paytdagi Yoshlar va sport vaziri Jassim bin Hamad bin Abdulloh Al Taniy nomi bilan ataladigan stadion 1975-yilda ochilgan va shundan soʻng u ikki marta taʼmirlangan; bir marta 2004-yilda 17-arab koʻrfazi kubogi uchun va keyinchalik 2010-yilda taʼmirlangan. 2004-yilda Arabiston koʻrfazi kubogining barcha oʻyinlariga mezbonlik qilishdan tashqari, stadion oʻz tarixi davomida koʻplab xalqaro futbol oʻyinlari, jumladan 2019-yilgi Klublar oʻrtasidagi jahon chempionati, 2006-yilgi Osiyo oʻyinlari va 2011-yilgi Pan Arab oʻyinlaridagi futbol musobaqalariga va Italiya superkubogining ikki mavsumiga mezbonlik qilgan[2][3].
 Janubi-gʻarbiy tomondan, 2014-yilgi Italiya Superkubogi vaqtidagi ichki koʻrinish | |
| Toʻliq nomi | Shayx Jassim bin Hamad stadioni (ملعب الشيخ جاسم بن حمد) |
|---|---|
| Manzili |
|
| Koordinatalari | 25°16′02″N 51°29′03″E |
| Jamoat transporti | Al Sudan (السودان) |
| Sigʻimi | 15,000[1] |
| Chim turi | Tabiiy oʻt |
| Konstruksiya | |
| Ochilgan | 1975 |
| Yangilangan | 2004, 2010 |
| Ijarachilar | |
| |
Imkoniyatlar
Stadion hududida asosiy maydondan tashqari, maʼmuriyat idorasi, kafe, masjid, ishchilar turar joyi, yengil atletika yoʻlakchasi, mashgʻulot maydonchalari, suzish havzasi va koʻp tarmoqli sport zali joylashgan[4]. Koʻp toifali sport zali 1000 kishi tomosha qilishiga moʻljallangan boʻlib, basketbol, voleybol, qoʻl toʻpi va boshqa sport turlari boʻyicha mahalliy turnirlar oʻtkazish uchun moʻljallangan[5].
Stadionda oʻtkaziladigan muhim turnirlar
- Arabiston koʻrfazi kubogi
Arabiston Fors koʻrfazi kubogi final oʻyini aynan shu stadionda oʻtkazilgan, Qatar Ummonni penaltilar seriyasida magʻlub etib, chempionlikni qoʻlga kiritgan, final marosimi shu yerda boʻlib oʻtgan[6].
Osiyo oʻyinlarning futbol turniri finali shu stadionda boʻlib oʻtgan. Oʻyinda Qatar jamoasi musboqa finalida Iroqni bitta toʻp farqi bilan magʻlub etib, chempionlikni qoʻlga kiritgan.
Qatar futbol jamoasi oʻzining muhim oʻyinlarini ushbu stadionda oʻtkazadi, masalan, jahon chempionati saralash oʻyinlari.
- Qatar Vorislar Kubogi
Ushbu kubokning barcha oʻyinlari bitta stadionda oʻtkaziladi, chunki bu kubok oʻyinlari faqat yarim final va final uchrashuvidan iborat.
- Qatar Amiri kubogi
Yarim final oʻyinlari ushbu Jassim bin Hamad stadionda, nim chrak va chorak final bosqichi oʻyinlari esa Grand Hamad stadionida, final oʻyini Xalifa stadionida oʻtkaziladi.
- Italiya Superkubogi
Stadion 2014-yilgi Italiya Superkubogiga mezbonlik qilgan. Superkubok oʻyinida Juventus (A Seriya chempioni) va Napoli (Italiya kubogi sohibi) klublari ishtirok etgan[7]. Stadion 2016-yilgi Italiya Superkubogiga ham mezbonlik qilgan, unda Juventus (A Seriya chempioni) va Milan (Italiya kubogi vitse-chempionlari)jamoalari ishtirok etgan[8].
Stadion 2019-yilgi Klublar oʻrtasidagi Jahon chempionati davomida uchta oʻyinga mezbonlik qilgan[9].
2022-yilgi futbol boʻyicha jahon chempionati vaqtida Fransiya stadiondan mashgʻulot bazasi sifatida foydalangan[10].
Soʻnggi turnir natijalari
FIFA klublar oʻrtasidagi jahon chempionati 2019
2023-yilgi Osiyo kubogi
2023-yil 5-aprel kuni Jassim bin Hamad stadioni 2023-yilgi Osiyo Kubogida foydalanadigan sakkizta maydondan biri sifatida tanlandi.
Manbalar
Havolalar
Wikiwand - on
Seamless Wikipedia browsing. On steroids.