Elias Stein

Elias Stein (talaffuzi: Elias Steyn) (13-yanvar 1931-yil — 23-dekabr 2018-yil) — amerikalik matematik. Stein garmonik tahlil sohasidagi ishlari bilan tanilgan. 1999-yil Wolf mukofoti bilan taqdirlangan.

Elias Menachem Stein
Tavalludi	13-yanvar 1931-yil Antwerp, Belgiya
Vafoti	23-dekabr 2018-yil(2018-12-23) (87 yoshda) Somerville, AQSh
Fuqaroligi	AQSh
Sohasi	Matematika
Ish joylari	Princeton universiteti
Akademik rahbarlari	Antoni Zygmund
Mashhur shogirdlari	William E. Beckner Charles Fefferman Philip Gressman David Jerison Steven G. Krantz Lillian Pierce Duong Hong Phong Christopher D. Sogge Hart F. Smith Robert Strichartz Terence Tao Sundaram Thangavelu Gregg Zuckerman
Mashhur ishlari	Stein–Strömberg teoremasi
Mukofotlari	Rolf Schock mukofoti (matematika boʻyicha) (1993) Wolf mukofoti (1999) Milliy fan medali (2001) Steele mukofoti (2002)
Turmush oʻrtogʻi	Elly Intrator

Stein Belgiyaning Antwerp shahrida tugʻilgan. 1940-yilgi Germaniya agressiyasidan keyin, Steinlar oilasi AQShga koʻchib ketgan. Stein 1949-yilda Stuyvesant oʻrta maktabini tugatgan. U kollejda kelajakdagi Paul Cohen bilan birga oʻqigan. 1955-yil Chicago universitetida Antoni Zygmund rahbarligi ostida PhD darajasini olgan. 1955-yilda Massachusetts texnologiya institutida dars berishni boshlagan, 1958-yilda Chicago universitetiga assistent boʻlib ishga kirgan. 1963-yilda Princetonda toʻliq professor etib tayinlangan va umrining oxirigacha ayni universitetda ishlagan.

Stein asosan garmonik tahlil sohasida ish olib borgan va Calderón–Zygmund nazariyasini kengaytirishga va aniqlashtirishga salmoqli hissa qoʻshgan. Shuningdek, garmonik tahlil boʻyicha qator kitob yozgan. 50 dan oshiq doktorantura talabasiga, jumladan, Fields medali sovrindorlari Charles Fefferman va Terence Taoga rahbarlik qilgan.