From Wikipedia, the free encyclopedia
Bryan Guy Adams (1959-yil 5-noyabrda Kingston, Kanadada tavallud topgan) — Kanada rok qoʻshiqchi-yozuvchi, musiqachi, gitarist va suratchisi. U shou biznesdagi karyerasini 1976-yilda rok guruhi tarkibida boshlaydi. Uning ilk albomi 1980-yilda sotuvga chiqariladi. Bryan Adams filmlar uchun yozgan qoʻshiqlari uchun 3 marotaba Academy Awards nomzodi boʻlgan.
Bryan Adams | |
---|---|
Umumiy maʼlumot | |
Tavalludi |
5-noyabr 1959-yil |
Fuqaroligi | Kanada[1][2] va Birlashgan Qirollik[3] |
Janr | Arena Rock, Soft rock, Hard Rock, Album Oriented Rock, Pop Rock. |
Veb-sayt | www.bryanadams.com |
Bryan Adams Kanadaning Kingston shahrida ingliz oilasida dunyoga kelgan. Uning otasi diplomat boʻlgani sababli, oila koʻplab davlatlarda: Angliya, Isroil, Fransiya, Portugaliya va Avstriya da boʻladi. Adamslar oilasi Vankuverda qolganlarida Bryan oʻzining musiqa karyerasini boshlaydi. Bu paytda u 15 yoshda edi.
Hozirda Bryan Angliyada yashamoqda. Ilgari u Fransiyada istiqomat qilardi va fransuzchada soʻzlashardi. Bryan, shuningdek, „Chelsi“ futbol jamoasini qoʻllab-quvvatlaydi. Uning «18 Til I Die» nomli albomidagi «Weʼre Gonna Win» qoʻshigʻi ham shu jamoa haqidadir.
Vankuverda Bryan «The Warehouse Studio» deb nomlangan oʻz ovoz yozish studiyasini ochadi.
Bryan Adamsning «(Everything I Do) I Do It for You» nomli musiqiy kompozitsiyasi "Robin Gud: Oʻgʻrilar shahzodasi" filmida, «All for Love» - "Uch mushketyorlar" filmida, «Have You Ever Really Loved a Woman?» - "Don juan de Marko" filmida soundtrek sifatida ishlatilgan. Bu qoʻshiqlarning barchasi AQSH hit-paradlarining yuqori oʻrinlarini egallagan. «(Everything I Do) I Do It for You» qoʻshigʻi esa Angliya hit-paradlarida 16 hafta turib, hozirgi kungacha zabt etilmagan rekord oʻrnatgan. Umuman olganda, Bryan Adamsning qoʻshiqlari 42 ta badiiy filmlarda yangragan.
1990-yilning ikkinchi yarmida Adamsning mashhurlik koʻrsatkichi biroz pasayadi. Oʻsha yillarda yozilgan Bryanning asosiy hit qoʻshiqlari boshqa qoʻshiqchilar bilan birga ijro etilgan edi: Barbra Streisand («I Finally Found Someone»), Spice Girls guruhidagi Melanie C («When You’re Gone»), Chicane («Don’t Give Up»).
2002-yilda Adams Andrey Konchalobskiyning "Telbalar uyi" nomli filmida oʻziga yaqin boʻlgan inson rolini oʻynadi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.