AmaLee

Amanda Lee (1992-yil 13-mart^[2]), shuningdek, AmaLee nomi bilan tanilgan, amerikalik qoʻshiqchi, dublayj aktrisasi, YouTuber va Monarch nomi ostidagi VTuber hisoblandi^[3]. Amanda YouTube^[1]da anime va video oʻyin qoʻshiqlarining ingliz tilidagi coverlari bilan tanilgan, ular 1 milliard marta koʻrilgan va unga 2 milliondan ortiq obunachi^[4] qoʻshilgan. Dublyaj aktrisasi sifatida Lee Dragon Ball Xenoverse 2, Kaguya-sama: Love Is War, Rio: Rainbow Gate!, SSSS.Dynazenon, Kageki Shojo!!, Girls' Frontline, Otherside Picnic, Adachi and Shimamura, My Dress-Up Darling, Aokana: Four Rhythm Across the Blue, One Piece Film: Red, va Honkai: Star Rail kabi anime va video oʻyinlarda ovoz bergan.

AmaLee
2023-yil
Umumiy maʼlumot
Tavalludi	Amanda Lee 13-mart 1992-yil (1992-03-13) (33 yosh)[1]
Janrlar	Alternative rock pop anison
Kasbi	Qo'shiqchi dublyaj aktrisasi YouTuber VTuber
Faoliyat yillari	2006-yildan hozirgacha
Fuqaroligi	AQSh
Veb-sayt	leeandlie.com

YouTube maʼlumoti

Kanal	LeeandLie
Obunachilar	2,23 million
Jami koʻrishlar	1,089 milliard
Ijodkor mukofotlari 100 000 ta obunachi 1 000 000 ta obunachi

Twitch maʼlumoti

Channel	LeeandLie
Faoliyat yillari	2021-yildan hozirgacha
Janr	Video oʻyinlar
Kuzatuvchilari	345 000

Lee shuningdek, koʻplab video oʻyinlar saundtreklari va qoʻshiqlari uchun vokal taqdim etgan, hamda Porter Robinson bilan Fellow Feeling filmida hamkorlik qilgan^[5]. 2017-yilning boshida u oʻzining Nostalgia debyut albomini taqdim etdi, unda oʻyin va anime muxlislari tomonidan sevilgan 12 ta qoʻshiqning ingliz tilidagi versiyalari jamlangan. Albom Billboard Heatseekers Albumsda 6-oʻrinni^[6], Billboard Independent Albumsda 27-oʻrinni^[7] , Billboard Top Rock Albumsda 43-oʻrinni^[8] va UK Independent Album Breakersda 12-oʻrinni egalladi^[9].

Faoliyati

2006-yilda AmaLee anime muxlislari va video oʻyinchilar orasida mashhur boʻlgan oʻzining coverlari uchun qoʻlda tayyorlangan videolarni joylashtira boshladi. Keyinchalik 2010-yilda Lee doʻsti Annalie bilan YouTubeʼda LeeandLie nomi ostidagi kanal yaratdi^[10]. Amandaning soʻzlariga koʻra, ularning kanal nomi uning ismidan Lee va doʻsti Annali ismidan Lie soʻzlarining birikmasidan iborat^[10]. 2010-yilning 14-dekabrida LeeandLie oʻzining birinchi videosini, AmaLee tomonidan tarjima qilingan va ijro etilgan Ayashi no Ceres animesidagi Scarlet qoʻshigʻining coverini taqdim etishdi.

2011-yilda AmaLee Bang Zoom! Entertainment va Viz Media tomonidan, hamda Anime Expo, har yili Los-Anjelesda anime muxlislari uchun oʻtkaziladigan anjuman hamkorligida oʻtkaziladigan AX Idol qoʻshiqlar tanloviga qoʻshildi va bosh sovrinni qoʻlga kiritdi^[1][11]. Oʻshandan beri u Dragon Ball Xenoverse 2, One Piece, Yandere Simulator, Gosick, Rio: Rainbow Gate!, K-On!!, va Show by Rock!! kabi shou va animelarda oʻz ovozini berish bilan shugʻullandi^[12][13]. Shuningdek, AmaLee koʻplab video oʻyinlar saundtreklari va qoʻshiqlari uchun vokal taqdim etgan, Porter Robinson bilan hamkorligi bunga bir misol boʻlishi mumkin^[5]. Bundan tashqari, Dragon Ball Super filmining oʻn birinchi yakuniy qismidagi Lagrima qoʻshigʻining inglizcha coverini kuylaganligi bilan ham mashhurdir.

2012-yilning 2-sentyabrida ular oʻzlarining eng koʻp koʻrilgan videosini, Sword Art Online animesidan Crossing Field qoʻshigʻining coverini yukladilar, 2022-yilning iyul oyida, bu video 23 milliondan ortiq marotaba koʻrilgan^[14] . 2014-yilda Annalie kanalni tark etdi va uni AmaLeega topshirdi. Bunga qaramasdan, kanal nomi oʻzgartirilmasdan, LeeandLie nomi ostida qolaverdi^[15].

2017-yilning 7-yanvarida u oʻyin va anime muxlislari tomonidan sevilgan^[16] 12 ta qoʻshiqning ingliz tilidagi versiyalarini birlashtirgan Nostalgia nomli birinchi albomini taqdim etdi^[17]. Albom Billboard Heatseekers Albumsda 6-oʻrinni^[6], Billboard Independent Albumsida 27-oʻrinni^[7] va Billboard Top Rock Albumsida 43-oʻrinni egalladi^[8]. 2017-yilning 22-sentyabrida u 5 ta original qoʻshiqni oʻz ichiga olgan Hourglass nomli EPni chiqardi^[18][19].

2017-yilning iyul oyida Lee Los-Anjeles Anjumanlar Markazida Anime Expoda chiqish qildi^[20]. 2017-yilning 22-avgustida AmaLee YouTube yulduzlari NateWantsToBattle va MandoPony bilan Amerika boʻylab The Cool and Good Tourda ishtirok etishi eʼlon qilindi^[21]. AmaLee onlayn jang maydoni League of Legendsning 2019-yildagi reytingli mavsum treylerida vokal va matnlarni ijro etdi^[22].

2021-yilning 11-dekabrida AmaLee Twitchda Monarch nomli yangi VTuber qahramonini taqdim etdii^[23].