Al-Abbos ibn al-Volid

Al-Abbos ibn al-Volid ibn Abdulmalik (arabcha: العباس بن الوليد‎‎) – Umaviylar shahzodasi va sarkardasi, xalifa al-Volid I ibn Abdulmalikning toʻngʻich oʻgʻli. VIII asr boshida boʻlib oʻtgan Vizantiya-arab urushlarida, ayniqsa, 707–708-yillarda Tyana qamalida harbiy boʻlinmaga boshchilik qilgan va shu jangdagi jasorati bilan boshqalardan ajralib turgan. Bu yurishlarda koʻpincha Abbos amakisi Maslama ibn Abdulmalikka hamrohlik qilgan.

Al-Abbos ibn al-Volid arabcha: العباس بن الوليد‎‎
Umaviylar shahzodasi va generali
Vafoti	750 Harron
Sulola	Umaviylar
Otasi	Al-Volid ibn Abdulmalik
Dini	Islom

Kelib chiqishi

Al-Abbos Umaviylar xalifasi al-Volid I ning (h. 705–715) toʻngʻich oʻgʻli boʻlgan. Onasi ummu al-valad (qul kanizak) edi^[1]. Dastlabki manbalarda uning kelib chiqishi haqidagi maʼlumotlar juda kam boʻlsa-da, ayrim maʼlumotlar uning nasroniylardan boʻlganligini koʻrsatadi^[2]. Zamonaviy tarixchi Garth Fowden uni yunon millatiga mansub deya taʼkidlagan^[3]. Al-Abbos raqiblari orasida koʻpincha Nastus ibn Nastus, yaʼni yunoncha Anastasius ismining arabcha shakli yoki ibn Qustantin (Konstantinning oʻgʻli) nomi bilan tanilgan^[2]. Uning yoshlik yillari haqida juda kam narsa maʼlum boʻlib, arab va Vizantiya manbalarida koʻpincha uning faoliyati haqidagi maʼlumotlar bir-biriga zid keladi^[4].