From Wikipedia, the free encyclopedia
Wes Ball — Amerikalik kinorejissyor va prodyuser, 1980-yil 28-oktabrda dunyoga kelgan. U James Dashnerning „The maze runner“ asariga asoslangan Labirintdagilar film trilogiyasiga rejissyorligi, shuningdek qayta boshlangan Maymunlar sayyorasi qismlarini toʻrtinchi qismi boʻlgan Maymunlar sayyorasi: Yangi qirollik(2024) filmiga rejissyorliklari bilan mashhur.
Wes Ball | |
---|---|
![]() Ball 2024-yilda | |
Tavalludi | 28-oktyabr 1980-yil |
Fuqaroligi | AQSh |
Kasbi |
|
Faoliyat yillari | 2002-yildan bugungacha |
Ball Crescent City High Schoolda taʼlim olib, u yerni 1999-yilda tamomlagan. 2002-yilda Florida shtati kino sanʼati universitet kollejini bakalavr daraja bilan tamomlagan[1]. 2003-yilda u qisqa metrajli animatsion filmi uchun Talabalar Akademiyasi mukofotiga sazovor boʻlgan[2].
Ball Gollivud rejissyori sifatida oʻz ishini Ruin nomli qisqa metrajli animatsion filmni ishlashdan boshlab, 20th Century Fox eʼtiboriga tushib Labirintdagilar filmiga rejissyor sifatida taklif qilingan[3]. Labirintdagilar Ballning ilk badiiy filmi edi[4]. 34 million dollar budjet evaziga ishlangan film keyinchalik 348 million dollarlik kassa tushumiga ega boʻlgan[5]. Film muvaffaqiyatidan soʻng Ball 20th Century Fox bilan hamkorlik shartnomasiga imzo chekgan[6].
Ball Daniyaning Mood Studios kompaniyasi bilan hamkorlikda ishlangan Fall of Gods filmiga rejissyorlikka chaqirilgan[7].
2017-yilda Ball 20th Century Fox bilan hamkorlikdagi Gary Whitta va T. S. Nowlin ssenariysi va Matt Reeves, Ross Richie va Stephen Christy produyesligi bilan Mouse Guard filmiga rejissyorlik qilish uchun yollangan[8][9]. Filmni suratga olish 2019-yilning may oyida boshlanishi kutilgan edi, biroq oʻsha yil boshida Walt Disney Company Fox kompaniyasining egalik huqularini sotib olgandan soʻng, loyiha suratga olish boshlanishiga ikki hafta qolganida bekor qilingan[10][11].
2019-yil dekabr, Disney va Fox Ballni "Maymunlar sayyorasi" filmini yangi qismi boʻlgan „Maymunlar sayyorasi: Yangi qirollik“ filmini ssenariysini yozish va filmga rejissyorlik qilish uchun yollashgan[12][13]. Yaqinda uning hamkorlik kompaniyasi OddBall Entertainment Paramount Picturesga koʻchib oʻtdi[14].
Qisqa metrajli filmlar
Yil | Sarlavha | Rejissyor | Yozuvchi |
---|---|---|---|
2002 yil | Jacob: Film | Ha | Ha |
A Work in Progress | Ha | Ha | |
2011 yil | Ruin | Ha | Ha |
Badiiy filmlar
Yil | Sarlavha | Rejissyor | Prodyuser |
---|---|---|---|
2014 yil | Labirintdagilar | Ha | Yoʻq |
2015 yil | Labirintdagilar: Olov iskanjasida | Ha | Yordamchi |
2018 | Labirintdagilar: Oʻlimga qarshi | Ha | Ha |
2024 yil | Maymunlar sayyorasi: Yangi qirollik | Ha | Ha |