Victoria De Angelis

Victoria De Angelis (talaffuzi: Viktoriya De Anjiles; 38-aprel 2000-yil, Rim, Italiya) bas-gitarachi va Zitti e buoni^[2][3][4] qoʻshigʻi bilan Eurovision qoʻshiq tanlovi 2021 da gʻolib chiqqan italyan Måneskin rok guruhining asoschilaridan biri.

Victoria De Angelis
Tavalludi	28-aprel 2000[1]
Kasbi	Kompozitor, bas-gitarachi, qoʻshiq yozuvchi
Guruhlari	Måneskin
Fuqaroligi	Italiya

Victoria Rimda oʻsganiga qaramay, onasi Daniyalik boʻlganligi uchun u Daniya tilida yaxshi gapira oladi.

Tarjimayi holi

Victoria De Angelis 2000-yil 28-aprelda Rimda tugʻilgan. Victoria sakkiz yoshida gitara chalishni boshlagan va oʻrta maktabda oʻqiyotganda musiqa maktabiga borgan. Biroq, u klassik gitara chalishni yaxshi bilmaganligi uchun oʻqituvchisi unga bass gitara sotib olishni taklif qilgan va oʻn bir yoshidan boshlab Victoria faqat bas-gitara chaladi^[5]. Victoria J.F.Kennedi nomidagi litseyga qatnagan va u yerda gitarachi Thomas Raggi bilan doʻstlashgan. 2015-yilda Victoria va Thomas rok guruhiga asos solgan. Keyinchalik guruhga ular bilan bir litseyda oʻqigan vokalchi Damiano David qoʻshildi. Barabanchi Ethan Torcio guruhga Facebook tarmogʻidagi reklama orqali aʼzo boʻlgan. Oʻzlarining musiqiy guruhi uchun nom topish vaqti kelganida, doʻstlar Victoriadan Daniya tilida bir necha soʻz aytishni soʻrashgan va ularga „oy nuri“ deb tarjima qilinuvchi Måneskin nomi yoqib qolgan.

2017-yilda guruh X Factor shousining italyancha versiyasida ishtirok etib, Beggin', Somebody Told Me va Kiss This qoʻshiqlarini oʻzlarining talqinida kuylab hamda oʻzlarining Chosen qoʻshigʻini ijro etib, 2-oʻrinni egallagan.

2021-yilda guruh Sanremo festivalida gʻolib boʻlishgan. Bu gʻalaba yosh musiqachilarga 2021-yil 22-may kuni Niderlandiyaning Rotterdam shahrida boʻlib oʻtgan Eurovision qoʻshiq tanlovi 2021 finalida Zitti e buoni qoʻshigʻi bilan oʻz mamlakatini himoya qilish va gʻolib chiqish imkoniyatini berdi^[6].

Manbalar

1. (unspecified title)
2. „Итальянская группа прокомментировала свою победу на Евровидении“ (ru). РИА Новости (2021-yil 23-may). 2021-yil 23-mayda asl nusxadan arxivlangan. Qaraldi: 2021-yil 11-avgust.
3. Andrea Laffranchi. „Maneskin, Victoria De Angelis: «Damiano? L’avevamo cacciato perché troppo pop. Il nome della band l’ho scelto io»“ (it). Corriere della Sera (2020-yil 18-mart). 2021-yil 28-dekabrda asl nusxadan arxivlangan. Qaraldi: 2021-yil 11-avgust.
4. „Congratulations ITALY: Måneskin win Eurovision Song Contest 2021“ (en-gb). Eurovision.tv (2021-yil 22-may). 2021-yil 22-mayda asl nusxadan arxivlangan. Qaraldi: 2021-yil 22-iyul.
5. „"Victoria De Angelis wiki, dating, boyfriend, net worth, Maneskin, height"“. hollywoodsmagazine.com (2021-yil 24-may). 2021-yil 26-mayda asl nusxadan arxivlangan. Qaraldi: 26 мая 2021.
6. „"Who is Victoria De Angelis? Boyfriend, mother, years, Instagram"“. italy24news.com (2021-yil 22-may). 2021-yil 26-mayda asl nusxadan arxivlangan. Qaraldi: 26 мая 2021.