Ukraina — Tojikiston munosabatlari

Ukraina — Tojikiston munosabatlari — Ukraina va Tojikiston oʻrtasida ikki tomonlama diplomatik aloqalar. Ukraina va Tojikiston oʻrtasidagi oʻzaro diplomatik aloqalar 1992-yil 24-aprelda oʻrnatilgan.

Ukraina — Tojikiston munosabatlari

Ukraina	Tojikiston

Tarix

Tojikistonning Kiyevdagi elchixonasi 2010-yilning dekabrida ish boshlagan. Dushanbedagi Ukrainaning elchixonasi 2012-yil oktabridan beri faoliyat yuritmoqda^[1].

Ikki tomonlama munosabatlar Tojikiston Respublikasi va Ukraina oʻrtasida 2001-yil 6-iyuldagi Tojikiston rahbari Imomali Rahmonning Ukrainaga rasmiy tashrifi chogʻida imzolangan Doʻstlik va hamkorlik toʻgʻrisidagi shartnomaga asoslanadi^[2][3]. Ukraina Prezidentlari Leonid Kuchma, Viktor Yushchenko va Viktor Yanukovich tegishli ravishda 2003-yil aprelda, 2008-yil martda va 2011-yil sentabrda Tojikistonga tashrif buyurishgan^[4]. Imomali Rahmon Ukrainaga 2008-yil dekabr, 2011-yil dekabr, 2012-yil iyulda rasmiy tashrif bilan borgan^[5].

Mamlakatlar oʻrtasidagi munosabatlarning huquqiy asoslari turli sohalardagi hamkorlikning koʻplab masalalarini qamrab oluvchi 80 ta hujjat, bitim, shartnomalardan iborat.

Ukraina bilan hamkorlik qilish Tojikiston Respublikasi tashqi siyosatining asosiy yoʻnalishlaridan biridir. Ukraina Tojikiston uchun iqtisodiy va harbiy-texnik sohalarda yordamini taklif qilmoqda^[6].

2012-yilda Viktor Nikityuk Ukrainaning Tojikiston Respublikasidagi Favqulodda va muxtor elchisi etib tayinlangan^[7]. Fayzullo Xolboboev — Tojikiston Respublikasining Ukrainadagi Favqulodda va muxtor elchisi^[8].

Iqtisodiy hamkorlik

Ukraina va Tojikiston oʻrtasidagi munosabatlarni mustahkamlashning muhim elementi 2002-yilda tashkil etilgan Iqtisodiy hamkorlik boʻyicha qoʻshma tojik-ukrain hukumatlararo komissiyasi hisoblanadi.

Ukraina Tojikistonga oziq-ovqat mahsulotlari, shakar, dorilar, alyumina oksidi, sement, koʻmir, maishiy texnika yetkazib beradi. Tojikiston Ukrainaga paxta tolasi, meva-sabzavot, quritilgan mevalarni eksport qiladi. 2014-yilda mamlakatlar oʻrtasidagi tovar ayirboshlash hajmi 45 million AQSh dollarini tashkil etgan^[9].

Manbalar

1. „Політичні відносини“. Посольство України в Республіці Таджикистан. 2016-yil 4-martda asl nusxadan arxivlangan. Qaraldi: 2016-yil 13-yanvar. (Wayback Machine saytida 2016-03-04 sanasida arxivlangan)
2. Хаким Хусейнович Солиев. Республика Таджикистан--15 лет независимого экономического развития. Ėjod, 2007 — 161-bet.
3. Зафар Саидов. Основные тенденции внешней политики Республики Таджикистан на рубеже столетий (1992-2004 гг.). Авасто, 2009 — 159-bet. ISBN 9994770500.
4. Хаким Хусейнович Солиев. Республика Таджикистан--15 лет независимого экономического развития, 2007 — 161-bet.
5. „Політичні відносини“. Посольство України в Республіці Таджикистан. 2016-yil 4-martda asl nusxadan arxivlangan. Qaraldi: 2016-yil 13-yanvar. (Wayback Machine saytida 2016-03-04 sanasida arxivlangan)
6. Зафар Саидов. Основные тенденции внешней политики Республики Таджикистан на рубеже столетий (1992-2004 гг.). Авасто, 2009 — 24-bet. ISBN 9994770500.
7. „Виктор Никитюк: «Быть первым Послом Украины в Душанбе – большая ответственность»“. Посольство України в Республіці Таджикистан. 2016-yil 28-martda asl nusxadan arxivlangan. Qaraldi: 2016-yil 13-yanvar. (Wayback Machine saytida 2016-03-28 sanasida arxivlangan)
8. „Встреча Чрезвычайного и Полномочного посла Республики Таджикистан в Украине с таджикскими студентами ВУЗ-ов города Харькова“ (deadlink). Посольство Республики Таджикистан в Украине. 2016-yil 29-martda asl nusxadan arxivlangan. Qaraldi: 2016-yil 13-yanvar. (Wayback Machine saytida 2016-03-29 sanasida arxivlangan)
9. Хаким Хусейнович Солиев. Республика Таджикистан--15 лет независимого экономического развития. Ėjod, 2007 — 165-bet.