From Wikipedia, the free encyclopedia
Toshkent shahridagi Xalqaro Vestminster Universiteti qoshidagi Akademik litsey (ALWIUT) Oʻzbekiston Respublikasidagi kasb-hunar taʼlimi muassasasi boʻlib, oʻz faoliyatini Toshkent shahridagi Xalqaro Vestminster universiteti bilan yaqin hamkorlikda Oʻzbekiston Respublikasi taʼlim standartlari talablariga muvofiq olib boradi.
Litsey ingliz tili, matematika, informatika kabi fanlardan kengaytirilgan taʼlim beradi. Ikkinchi kurs talabalari litseydagi o‘qishlarini Toshkentdagi Xalqaro Vestminster universiteti tomonidan tasdiqlangan ''Xalqaro Foundation Studies'' sertifikati kurs bilan birlashtirish imkoniyatiga ega. Kursni muvaffaqiyatli tugatganlar, toʻgʻridan-toʻgʻri u yerda taklif qilingan bakalavr dasturlaridan biriga yozilishlari mumkin.
Toshkent shahridagi Xalqaro Vestminster universiteti Akademik litsey O‘zbekiston Respublikasi Vazirlar Mahkamasining 2008-yil 9-dekabrdagi 270-sonli qaroriga muvofiq tashkil etilgan. Litseyning birinchi oʻquvchilari 2009-yilda qabul qilingan. Bu litsey O‘zbekistondagi eng yaxshi taʼlim muassasasi hisoblanadi[1].
Toshkentdagi Xalqaro Vestminster universiteti akademik litseyi Oʻzbekiston Respublikasi poytaxti Toshkent shahrining markazida, Mirobod tumani, Shahrisabz koʻchasida joylashgan mashhur Amir Temur maydoni va Forumlar saroyi yaqinida joylashgan[2]. Litsey Toshkent shahridagi Xalqaro Vestminster universiteti bilan yonma-yon joylashgan.
Litseyda oʻqish muddati Oʻzbekiston Respublikasining boshqa kasb-hunar taʼlimi muassasalari kabi 2 yil. Oʻquv yili 2 semestrdan iborat boʻlib va ularning har biri 20 ta oʻquv haftasidan iborat. Ikki semestr oraligʻida talabalar dam olishlari va oʻqish uchun qishki taʼtillar mavjud[3].
Har bir semesterda ikki marotaba oraliq nazorat imtihonlari oʻtqaziladi. Va semester oxirida yakuniy nazorat imtihoni boʻladi. Barcha oʻquvchilarga ID karta beriladi.
Ingliz tili, matematika va informatika chuqur oʻrganilgan fanlardir. Litseyning ingliz tili dasturida ingliz tilining
koʻnikmalari oʻrgatiladi. Milliy matematika dasturiga muvofiq talabalar oliy matematika bo‘yicha qo‘shimcha materiallar hamda mantiqning maʼlum bir qismini o‘rganadilar. Informatika darslarida talabalar dasturlash, shaxsiy kompyuter xavfsizligi, grafik muharrirlar bilan ishlash, onlayn resurslar va boshqalar boʻyicha texnologik bilimlarga ega boʻladilar.
Oʻquv yili davomida talabalar uchun maxsus treninglar tashkil etiladi.
Litseyda 3 ta kompyuter sinfi va kutubxona o‘quv resurslari mavjud. Kutubxona ikkita alohida maydonni oʻz ichiga oladi: oʻqish zali va munozaralar zali. Ikkalasi ham mebel va kompyuterlar bilan jihozlangan. Litsey kutubxonasi o‘quvchilarga ingliz, rus, o‘zbek, nemis, ispan va fransuz tillarida turli o‘quv va badiiy adabiyotlarni taqdim etadi. Ingliz tilidagi kitoblar ingliz tilini chet tili sifatida oʻrganish uchun qoʻllanmalar va ingliz tilidagi iqtisodiyot, huquq va biznes kabi boshqa akademik fanlar boʻyicha darsliklarni oʻz ichiga oladi. Kutubxona fondi O‘zbekistonda va xorijda chop etilayotgan gazeta va jurnallardan foydalanish imkonini beradi. Shuningdek, litsey veb-saytidan yoki onlayn taʼlimni boshqarish platformasi dan yuklab olish mumkin boʻlgan elektron materiallar mavjud.
Toshkentdagi Xalqaro Vestminster universiteti akademik litseyi bitiruvchilari oliy taʼlim muassasalariga hujjat topshirishlari mumkin boʻlgan rasmiy bitiruv diplomiga ega boʻladilar. Birinchi bitiruv marosimi 2012-yil 21-iyunda bo‘lib o‘tgan[4].
Litsey taʼlimning soʻnggi yilidagi oʻquvchilarga Britaniya Milliy Jamgʻarmasi Kvalifikasiyasi (BNFQ) ga muvofiq Toshkentdagi Xalqaro Vestminster universiteti tomonidan tasdiqlangan 1 yillik, 120 kredit qiymatidagi Xalqaro Foundation Studies (CIFS) sertifikati kursini oʻtashni taklif qiladi[5]. Kurs ingliz tilida olib boriladi. Kursni muvaffaqiyatli tamomlagan holda, bitiruvchilar Toshkent shahridagi Xalqaro Vestminster universitetiga bakalavriat talabasi sifatida qabul qilinib, o‘qishni o‘z mablag‘lari hisobidan davom ettirishi mumkin.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.