Sulton Abdulsamad jome masjidi
From Wikipedia, the free encyclopedia
From Wikipedia, the free encyclopedia
Jome masjidi, rasman Sulton Abdulsamad jome masjidi (malaycha: Masjid Jamek Sultan Abdul Samad) – Malayziyaning Kuala-Lumpur shahridagi eng qadimiy masjidlardan biri[1]. Bino Kelang va Gombak daryolarining qoʻshilish qismida joylashgan boʻlib, masjidga Jalan Tun Perak orqali kirish mumkin. Masjid Arthur Benison Hubback tomonidan loyihalashtirilgan va 1909-yilda qurilgan.
Masjid | |
Sulton Abdulsamad jome masjidi | |
Mamlakat | Malayziya |
Hudud | Kuala-Lumpur |
Koordinatalar | 3°8′56.06″N 101°41′45.46″E |
Yoʻnalishi | sunniy |
Masjid turi | Masjid |
Meʼmoriy uslub | Islom meʼmorchiligi Mavr meʼmorchiligi Moʻgʻul meʼmorchiligi |
Meʼmor | Arthur Benison Hubback |
Binokorlik sanasi | 1909 yil |
Soʻngi imom | Ustoz Hoji Yahya Mahyuddin bin Datuk Haji Utoh Said (2017–hozrigacha) |
Oʻlchami | 1000 |
Gumbazlar soni | 3 |
Gumbazlar soni | 3 |
Minoralar soni | 2 |
Minoralar soni | 2 |
Sulton Abdulsamad jome masjidi Vikiomborda |
„Jamek“ nomi arabcha jamiʿ (جامع) soʻzining malaycha ekvivalenti boʻlib, odamlar toʻplanish uchun yigʻiladigan joy degan maʼnoni anglatadi[2]. Mahalliy aholi binoni „Juma masjidi“ deb ham atashadi[3].
Masjid Kelang va Gombak daryolarining qoʻshilishida eski malay qabristoni joylashgan hududda qurilgan va jome masjidi deb nomlangan[4][5]. Ilgari Java va Malay koʻchasi hududida malaylarga xizmat koʻrsatadigan bir nechta masjidlar mavjud edi, ammo jome masjidi Kuala-Lumpurda qurilgan birinchi yirik masjid hisoblangan. Masjidning tamal toshi 1908-yil 23-martda Selangor sultoni Sulton Sir Alaeddin Sulaymonshoh tomonidan qoʻyilgan va 1909-yil 23-dekabrda masjidni rasman ochib bergan[6][7]. Masjid qurilishi 32 625 dollarga teng, qisman Malay jamoasi tomonidan Britaniya mustamlaka hukumati hissasi bilan moliyalashtirilgan[2]. Masjid arxitektori Arthur Benison Hubback boʻlib, Indo-Saracenik uslubda masjidni loyihalashtirgan va hind musulmon moʻgʻul meʼmorchiligi uslubini oʻzida erkin aks ettirgan[8]. Jome masjidi 1965-yilda Negara Milliy masjid qurilgunga qadar Kuala-Lumpurning asosiy masjidi sifatida xizmat qilgan.
Oʻshandan beri masjid hududida qoʻshimcha binolar qurilgan. Dastlab ochiq hovli ustida tom qoʻshilgan[9].
2017-yil 23-iyun kuni masjid nomi Selangor sultoni Sharafuddin Idrisshoh tomonidan Sulton Abdulsamad jome masjidi deb oʻzgartirilgan, chunki masjid dastlab Selangor shtatining bir qismi boʻlgan quruqlikda bunyod etilgan.
Masjid dizaynida mavr, hind-saracen va moʻgʻul meʼmorchiligidan foydalanilgan[10]. A. B Hubback, shuningdek, Kuala-Lumpur temir yoʻl stansiyasi va Kuala Kangsardagi Ubudiah masjidi kabi bir qator binolarni xuddi shunday uslubda loyihalashtirgan. Masjidda kichikroq minoralar qatorida ikkita asosiy minora mavjud, gʻisht va ganchdan ishlangan minoralarning pushti va oq tasma naqshlari „qon va bint“ sifatida tasvirlangan[9][11]. Masjid 3 ta gumbazli boʻlib, eng kattasi 21.3 metr (70 ft) balandlikka ega. Namoz oʻqish zalining yuqori qismi gumbazlar bilan tugagan[2]. Masjid 1984-yilda taʼmirlangan, daryoga eng yaqin joyda joylashgan minora allaqachon nishab boʻlgani sababli unga poydevor qoʻyilgan.
Masjid nomi majmuadan tashqarida joylashgan Masjid Jamek LRT stansiyasiga berilgan boʻlib, Kuala-Lumpurning eng gavjum hududlaridan biri hisoblanadi va Kelana Jaya, Sri Petaling va Ampang liniyasi orqali xizmat koʻrsatadi. Stansiya Chinatown va Kichik Hindiston oʻrtasida joylashgan, shuningdek, Dataran Merdeka maydoniga ham yaqin.
Muazzinlar boshligʻi:
Muazzinlar:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.