Obuse

Obuse
Obuse; 小布施町
	Shaharcha
	; Bayroq ; Gerb
	36°41′51.0″N 138°18′43.6″E
Mamlakat	Yaponiya
{{{mintaqa_turi}}}	Chubu viloyati
Asos solingan	1-aprel 1889-yil
Maydon	19.12 km2 (7.38 kv mi)
Rasmiy til(lar)i	yapon
Aholisi (2019-yil aprel)	10 999
Zichligi	580 kishi/km2
Vaqt mintaqasi	UTC+9:00
Telefon kodi	026-247-3111
	Obuse

Obuse (yaponcha: 小布施町 Obuse-machi^?) Yaponiyaning Nagano prefekturasida joylashgan shaharchadir. 2019-yil 1-aprel holatiga koʻra, shaharchada 3832 xonadonda 10999 nafar aholi istiqomat qilgan^[1], aholi zichligi esa har kvadrat kilometrga 580 nafarni tashkil qiladi. Shaharning umumiy maydoni 19,12 kvadrat kilometr (7,38 mi²) ga teng.

Qisqa faktlar Obuse 小布施町, Mamlakat ...

Yopish

Geografiyasi

Obuse shimoliy Nagano prefekturasida, Nagano shahridan sharqda joylashgan.

Atrofdagi munitsipalitetlar

Nagano prefekturasi
- Nagano
- Suzaka
- Nakano
- Takayama

Iqlimi

Shahar iqlimi issiq va nam yoz hamda sovuq qish bilan tavsiflanadi (Köppen iqlim tasnifi Cfa). Obuseda oʻrtacha yillik harorat 12,4 °C ni tashkil etadi. Yillik oʻrtacha yogʻin miqdori 1229 mm boʻlib, sentyabr esa eng seryogʻin oy hisoblanadi. Avgustda eng yuqori harorat 25,9 °C, eng past harorati esa yanvarda, −0,3 °C atrofida boʻladi^[2].

Demografiyasi

Yaponiya aholini roʻyxatga olish maʼlumotlariga koʻra^[3], Obuse aholisi soni soʻnggi 40 yil ichida ancha barqaror boʻlib qolmoqda.

Batafsil maʼlumot Yil, Aholi ...

Aholining oʻsishi
Yil	Aholi	±%
1940	8,301	—
1950	10,817	+30.3%
1960	10,098	−6.6%
1970	9,625	−4.7%
1980	11,205	+16.4%
1990	11,568	+3.2%
2000	11,46	−0.9%
2010	11,074	−3.4%
2020	10,66	−3.7%

Yopish

Tarixi

Hozirgi Obuse hududi qadimgi Shinano provinsiyasining bir qismi boʻlgan va uni Imperator Go-Shirakava davridagi shoen bilan bogʻliq boʻlgan voqealarni soʻnggi Heian davri yozuvlarida joy nomi sifatida koʻrish mumkin. 1843-yilda 83 yoshida yapon rassomi Hokusai boy dehqon Takai Kozanning taklifiga binoan Obuse shahriga borib, u yerda bir necha yil yashaydi^[4]. Obusedagi faoliyati davomida Hokusai bir nechta durdona asarlar yaratadi, jumladan Erkak toʻlqini va Ayollik toʻlqini nomli rasmlari mashhur boʻlgan^[4].

Zamonaviy Obuse qishlogʻi 1889-yil 1-aprelda munitsipalitetlar tizimining oʻrnatilishi bilan yaratilgan. 1954-yil 1-fevralda u shaharcha maqomiga koʻtarildi. Obuse 1954-yil 1-noyabrda qoʻshni Tsusumi qishlogʻini oʻziga qoʻshib oldi.

Obuse shahridagi eng yirik shifoxona Shinsei kasalxonasi (Yangi hayot kasalxonasi) Kanadaning Anglikan cherkovi missioneri J.G.Waller tomonidan 1932-yilda Kanadada toʻplangan mablagʻ asosida sil kasalligi sanatoriysi sifatida tashkil etilgan^[5].

Iqtisodiyoti

Kichkina boʻlishiga qaramay, goʻzal Obuse shahri oʻzining kashtan sanoati bilan mashhur boʻlib, u mahalliy hunarmandlar ishiga oʻziga xos joʻshqinlik keltiradi, kashtandan muzqaymoq va boshqa shirinliklar shuningdek turli xil taomlar tayyorlanadi. Mintaqada kashtanlarning koʻpligi sabbali Obuseni Nagano markazidagi sayyohlar va sanʼat kollektsionerlari oʻziga jalb etadi hamda mahalliy yogʻoch ustalari va rassomlar uchun savdo bozorlarini ham yaratadi.

Taʼlim tizimi

Obuseda bitta davlat boshlangʻich maktabi hamda bitta davlat oʻrta maktabi mavjud. Shaharda yuqpri maktab mavjud emas.

Transporti

Temir yoʻl

Nagano elektr temir yoʻli — Nagano liniyasi
- Obuse — Tsusumi

Magistral yoʻl

Joshin-etsu tezkor yoʻli
Milliy yoʻnalish 18
Milliy yoʻnalish 403

Mahalliy diqqatga sazovor joylar

Hokusaining Obusedagi lyuk qopqogʻi
Erkak toʻlqini

Gansho-in, Katsushika Hokusai tomonidan boʻyalgan shiftli Budda ibodatxonasi
Hokusai muzeyi^[6] bu muzey milliy xazina hisoblanib, u Obuseda oʻzining bir qancha mashhur asarlarini yaratgan buyuk yapon rassomi Hokusaining asarlari va tarixini namoyish etadi.