Obanazava

Obanazava (yaponcha: 尾花沢市 Obanazava-shi^?) Yaponiyaning Yamagata prefekturasida joylashgan shahardir. 2020-yil 1-fevral holatiga koʻra, shaharning taxminiy aholisi 15237 kishini, aholi zichligi esa har kvadrat kilometrga 40,9 kishini tashkil qilgan. Shaharning umumiy maydoni 372,32 kvadrat kilometr (144 mi²).

Obanazava 尾花沢市
Shahar
Bayroq Gerb
38°36′2.3″N 140°24′20.4″E
Mamlakat	Yaponiya
Asos solingan	1959-yil 10-aprel
Maydon	37,232 km2 (14,375 kv mi)
Iqlim turi	nam kontinental iqlim
Rasmiy til(lar)i	yapon
Aholisi  (2020-yil yanvar)	15 237
Obanazava

Obanazava shahar hokimiyati

Geografiyasi

Obanazava Yamagata prefekturasining shimoli-sharqidagi togʻli vodiyda joylashgan boʻlib, gʻarbiy qismidan Mogami daryosi oqib oʻtadi, sharqiy qismi Ou tog'lari bilan oʻralgan.

Qoʻshni munitsipalitetlar

• Yamagata prefekturasi
  • Higashine
  • Murayama
  • Oishida
  • Mogami
  • Funagata
• Miyagi prefekturasi
  • Kami
  • Senday

Iqlimi

Obanazava nam kontinental iqlimga ega (Köppen iqlim tasnifi Cfa), katta mavsumiy harorat farqlari kuzatiladi, issiq (va koʻpincha nam) yoz va sovuq (baʼzan qattiq sovuq) qish fasli bu hududga xosdir. Yogʻingarchilik yil davomida sezilarli boʻlsa-da, lekin avgustdan oktyabrgacha eng kuchli darajasi qayd etilgan. Obanazavada oʻrtacha yillik harorat 10.8 °C (51.4 °F) ga teng. Yillik oʻrtacha yogʻin miqdori 1,538.5 mm (60.57 in) boʻlib, dekabr eng seryogʻin oy hisoblanadi. Avgustda eng yuqori harorat 23.7 °C (74.7 °F) atrofida va eng past harorat yanvarda, taxminan −1.0 °C (30.2 °F) boʻladi. Shaharda qish faslida juda kuchli qor yogʻadi va bu shaharning oʻziga xos tabiatini namoyon etadi..

Obunazava iqlimi
Koʻrsatkich	Yan	Fev	Mart	Apr	May	Iyun	Iyul	Avg	Sen	Okt	Noy	Dek	Yil
Oʻrtacha maksimal, °C	1,7	2,7	6,4	14,0	20,4	23,8	26,9	28,4	24,5	18,2	11,0	4,2	15,2
Oʻrtacha minimal, °C	−4,1	−4,3	−2,1	2,8	9,3	14,9	19,1	19,9	15,5	8,5	2,6	−1,5	6,7
Yogʻingarchilik meʼyori, mm	165,3	98,4	80,7	68,4	78,4	105,6	174,0	148,9	128,9	120,5	155,2	197,1	1 538,5

Demografiyasi

Yaponiya aholini roʻyxatga olish maʼlumotlariga koʻra^[1], Obanazava aholisi soni 1950-yilda eng yuqori choʻqqiga chiqdi va oʻshandan buyon sezilarli darajada kamaygan.

Aholining oʻsishi

Yil	Aholi	±%
1920	21,517	—
1930	24,32	+13.0%
1940	26,692	+9.8%
1950	33,754	+26.5%
1960	31,538	−6.6%
1970	27,173	−13.8%
1980	25,231	−7.1%
1990	23,909	−5.2%
2000	22,01	−7.9%
2010	18,955	−13.9%
2020	14,971	−21.0%

Tarixi

Hozirgi Obanazava hududi qadimgi Deva viloyatining bir qismi boʻlgan. Meidzi davri boshlangandan soʻng, hudud Yamagata prefekturasi, Kitamurayama tumani tarkibiga kiritildi. Obanazava qishlogʻi 1889-yil 1-aprelda zamonaviy munitsipalitetlar tizimining oʻrnatilishi vaqtida tashkil etilgan va 1897-yil 26-iyulda shahar maqomiga koʻtarilgan. U 1959-yil 10-aprelda shaharga aylantirilgan.

Dontsuki qoʻshigʻining bir versiyasi va Yamagata prefekturasining koʻp joylarida kuylangan „Hanagasa Dance Song“ qoʻshigʻi Obanazavada kelib chiqqan^[2].

Hukumat

Obanazava toʻgʻridan-toʻgʻri saylanadigan mer va 14 aʼzodan iborat bir palatali shahar qonun chiqaruvchi organi boʻlgan mer-kengash boshqaruv shakliga ega. Shahar Yamagata prefekturasi assambleyasiga bir aʼzoni qoʻshish huquqiga ega. Milliy siyosat nuqtai nazaridan, shahar Yaponiya Diet quyi palatasining Yamagata-2 okrugining bir qismi hisoblanadi.

Iqtisodiyoti

Obanazava iqtisodiyoti qishloq va oʻrmon xoʻjaligiga asoslangan. Qishloq xoʻjaligida Obanazava mahalliy tarvuzlari bilan mashhur^[3].

Taʼlim tizimi

Obanazavada toʻrtta davlat boshlangʻich maktabi va shahar hukumati tomonidan boshqariladigan ikkita davlat oʻrta maktabi shuningdek, Yamagata prefekturasi taʼlim kengashi tomonidan boshqariladigan bitta davlat oʻrta maktabi faoliyat yuritadi.

Transport

Temir yoʻl

Sharqiy Yaponiya temir yoʻl kompaniyasi — Ou magistral liniyasi

• Ashisava (Biroq, markaziy Obanazavaga qoʻshni Ōishidadagi Oishida stantsiyasi ham xizmat koʻrsatadi).

Magistral yoʻl

• Tōhoku-Chūō Expressway — Obanazava almashinuvi
• Milliy yoʻnalish 13
• Milliy yoʻnalish 347

Mahalliy diqqatga sazovor joylar

• Ginzan Onsen
• Nobesava Ginzan, milliy tarixiy joy

Taniqli odamlar

• Kotonovaka Terumasa, sumo kurashchisi
• Norio Sasaki, Yaponiya ayollar futbol terma jamoasi bosh murabbiyi

Manbalar

1. Obanazawa population statistics
2. „Origins of the Hanagasa Festival / Hanagasa Festival Official 2011“. www.hanagasa.jp. 2012-yil 15-oktyabrda asl nusxadan arxivlangan.
3. „Welcome to Obanazawa !“. 2019-yil 13-sentyabrda asl nusxadan arxivlangan. Qaraldi: 2022-yil 24-oktyabr.

Havolalar

• Rasmiy veb -sayt (yaponcha)