Nodavlat notijorat tashkilot
From Wikipedia, the free encyclopedia
Nodavlat notijorat tashkilot – bu rasmiy davlat muassasalardan mustaqil tarzda faoliyat yurituvchi, oʻzlarining siyosiy, ijtimoiy, madaniy, huquqiy va ekologik maqsadlariga mos ravishda lobbichilik, ishontirish orqali ish olib boruvchi va oʻz sohasi uchun kerakli xodimlarni jalb qiluvchi nodavlat notijorat tashkilot sanaladi. Ular oʻz daromadlarini xayriya qiladigan yoki aʼzolik toʻlovlarini taʼminlovchi notijorat tashkilotlardir. Nodavlat notijorat tashkilotlari palata, fond va uyushma nomi ostida faoliyat yuritadi. Jamgʻarmalar va uyushmalar jamiyatga foydali xizmat koʻrsatishni rivojlantirish va fuqarolarga yordam berish maqsadida tashkil etilgan yuridik jamiyatlardir.
Nodavlat notijorat tashkilot, jismoniy va yoki yuridik shaxslar tomonidan shaxsiy manfaatlarga asoslanmagan holda tashkil etiluvchi tashkilot. Daromad olishni oʻz faoliyatining asosiy maqsadi qilib olmagan, shuningdek, olingan foydani oʻz tarkibidagi kishilar oʻrtasida taqsimlamaydigan oʻzini oʻzi boshqaruvchi muassasadir[2].
Ular huquqiy jihatdan ommaviy tashkilotlardan farq qiladi. Nodavlat notijorat tashkilotlarining salmoqli qismi maʼlum markazlarga biriktirilgan boshqariladigan tuzilma ostida ishlaydi. Ammo boshqa tomondan, ommaviy tashkilotlar ommaning ovozi va kuchidir. Boshqacha qilib aytganda bu odamlarning tegishli tashkilotlar orqali oʻzini ifoda etish erkinligidir.
Ommaviy tashkilot – maʼlum bir ijtimoiy tabaqadan yoki jamiyatning turli qatlamlaridan boʻlgan, bir xil kasb yoki jamiyatning ayrim elementlaridan boʻlgan odamlarni oʻz ichiga olgan, bir xil xususiyatlarga ega boʻlgan va jamiyatning iqtisodiy-demokratik huquq va manfaatlarini himoya qiladigan tashkilotlarga berilgan nom, ularni ifodalovchi tizimdir[3].