Nakano (Nagano)
From Wikipedia, the free encyclopedia
From Wikipedia, the free encyclopedia
Nakano (yaponcha: 中野市 Nakano-shi ) Yaponiyaning Nagano prefekturasida joylashgan shahardir. 2019-yil 1-mart holatiga koʻra, shaharning taxminiy aholisi 15649 ta xonadonda 42664 kishini, aholi zichligi esa har kvadrat kilometrga 380 kishini tashkil qilgan[1]. Shaharning umumiy maydoni 112,18 kvadrat kilometr (43,31 mi²) ga teng.
Nakano 中野市 | |
---|---|
Shahar | |
36°44′29.5″N 138°22′9.9″E | |
Mamlakat | Yaponiya |
{{{mintaqa_turi}}} | Chubu viloyati |
Asos solingan | 1-aprel 1889-yil |
Maydon | 112.18 km2 (43.31 kv mi) |
Rasmiy til(lar)i | yapon |
Aholisi (2019-yil mart) |
42 664 |
Zichligi | 380 kishi/km2 |
Vaqt mintaqasi | UTC+9:00 |
Telefon kodi | 0269-22-2111 |
|
Shimoliy Nagano prefekturasidagi Zennoji tekisligining shimoliy qismida joylashgan Nakano shahridan Chikuma daryosi oqib oʻtadi. Shahar togʻlar bilan oʻralgan. Nakanodagi ob-havo fasllar boʻyicha farqladi.
Nakano iqlimi issiq va nam yoz hamda nisbatan yumshoq qish bilan tavsiflanadi (Köppen iqlim tasnifi Cfa). Nakanoda oʻrtacha yillik harorat 12,2 °C ni tashkil etadi. Yillik oʻrtacha yogʻin miqdori 1406 mm boʻlib, sentyabr esa eng seryogʻin oy hisoblanadi. Avgustda eng yuqori harorat 25,6 °C, eng past harorati esa yanvarda, −0,4 °C atrofida boʻladi[2].
Yaponiya aholini roʻyxatga olish maʼlumotlariga koʻra[3], Nakano aholisi soni soʻnggi 70 yil ichida nisbatan oʻzgarmas boʻlib qolgan.
Yil | Aholi | ±% |
---|---|---|
1940 | 36,123 | — |
1950 | 46,821 | +29.6% |
1960 | 44,036 | −5.9% |
1970 | 43,111 | −2.1% |
1980 | 44,895 | +4.1% |
1990 | 46,468 | +3.5% |
2000 | 47,845 | +3.0% |
2010 | 45,643 | −4.6% |
2020 | 42,338 | −7.2% |
Hozirgi Nakano hududi qadimgi Shinano viloyatining bir qismi boʻlgan. Bu hudud Edo davrida Tokugava syogunatining tenryo (toʻgʻridan-toʻgʻri xoʻjaliklari) tarkibiga kiritilgan va Nakano jin'ya tomonidan boshqarilgan. Nakano 1870—1871-yillarda „Nakano prefekturasi“ ning poytaxti boʻlib, u Nagano prefekturasi tarkibiga kiritilgan. Zamonaviy Nakano shahri 1889-yil 1-aprelda munitsipalitetlar tizimining oʻrnatilishi bilan tashkil etilgan. 1955-yil 1-iyulda qoʻshni Hino, Entoku, Nagaoka, Hiraoka, Takaoka, Shinano va Yamato qishloqlari bilan qoʻshilishi natijasida u shahar maqomiga koʻtarildi.
2005-yil 1-aprelda Toyota qishlogʻi (Shimominochi tumanidan) Nakanoga birlashtirildi.
Nakano shahrida toʻgʻridan-toʻgʻri saylanadigan mer hamda 20 aʼzodan iborat bir palatali shahar qonun chiqaruvchi organi boʻlgan mer-kengash boshqaruv shakli mavjud.
Nakano shahri asosan qishloq xoʻjaligi sanoatiga asoslanadi. Nakano yuqori sifatli meva va sabzavotlar, jumladan Fuji olmalari, Kyoho uzumlari, shaftoli, nok, guruch, qushqoʻnmas va qoʻziqorinlariga ega. Bu Yaponiyaning eng yirik Enokitake qoʻziqorinini ishlab chiqaruvchi shahar hisoblanadi[4]. Shahar oʻzining atirgullari bilan ham mashhur. Ippongi bogʻida ikki yilda bir marta oʻtkaziladigan atirgul festivalida minglab atirgul oʻsimliklari namoyish etiladi va Yaponiyaning turli burchaklaridan sayyohlarni oʻziga jalb qiladi. Nakano shahri 1998-yilgi Nagano qishki Olimpiya oʻyinlaridan keyin sezilarli oʻsishni boshdan kechirdi. Koʻplab mashhur changʻi zonalari yaqinida joylashgan Nakano iqtisodiyoti togʻ-changʻi turizmi sanoati bilan yanada rivojlanib bormoqda.
Nakanoda kamera va linzalar dizayneri hamda ishlab chiqaruvchisi Cosina Co., Ltd korxonasi qarorgohi joylashgan.
Nakanoda 11 ta davlat boshlangʻich maktabi hamda shahar tomonidan boshqariladigan toʻrtta davlat oʻrta maktabi faoliyat yuritadi. Nagano prefekturasi taʼlim kengashi qoshida ikkita davlat yuqori maktabi ham mavjud.
2007-yilda Nakano Yaponiya BC ligasida (Beysbol Challenge League) Shinano Grand Serovs beysbol jamoasining uyiga aylantirildi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.