Maryam Mirzaxoniy

Maryam Mirzaxoniy (forscha: مریم میرزاخانی) (12-may 1977-yil — 14-iyul 2017-yil) — eronlik va amerikalik matematik. Teichmüller teoriyasi, giperbolalar geomeriyasi, ergodik teoriya hamda simplektik geometriya sohalaridagi ishlari bilan tanilgan. 2014-yilda Mirzaxoniy Fields medali bilan taqdirlangan ilk ayol matematik va birinchi eronlik matematikka boʻldi.^[1]

Maryam Mirzaxoniy
Tavalludi	12-may 1977-yil Tehron, Eron
Vafoti	14-iyul 2017-yil(2017-07-14) (40 yoshda) Stanford, AQSh
Fuqaroligi	Eron
Sohasi	Matematika
Institutlar	Princeton universiteti Stanford universiteti
Akademik rahbarlari	Curtis McMullen Ibodulloh Mahmudyan
Mukofotlari	Blumenthal mukofoti (2009) Satter mukofoti (2013) Clay Research mukofoti (2014) Fields medali (2014)
Turmush oʻrtogʻi	Jan Vondrák

Mirzaxoniy oʻrta maʼlumotni Eronning Isteʼdodlarni rivojlantirish milliy tashkiloti qoshidagi qizlar uchun moʻljallangan maxsus maktablardan biri boʻlmish Tehron Farzanegan maktabida olgan. 1994–1995-yillarda Xalqaro matematika olimpiadasida oltin medallarni qoʻlga kiritgan. 1999-yilda Tehrondagi Sharif texnologiya universitetini tamomlagan.

Mirzaxoniy 1999-yildan AQShda yashay boshlagan. 2004-yilda u Harvard universitetidan PhD darajasini olgan. Soʻngra Princeton universitetida dars bergan. 2008-yildan to oʻlimiga qadar Stanford universitetida matematika professori boʻlib ishlagan. Mirzaxoniy 2017-yil iyul oyida Stanford universiteti tibbiyot markazida koʻkrak saratoni tufayli vafot etdi.^[2] Unga ushbu kasallik tashxisi ilk marotaba 2013-yilda qoʻyilgan edi.

Manbalar

1. „AQSHda Fields mukofotiga loyiq koʻrilgan birinchi matematik ayol olamdan oʻtdi“. Daryo (2017-yil 16-iyul). 2019-yil 26-oktyabrda asl nusxadan arxivlangan. Qaraldi: 2019-yil 26-oktyabr.
2. „Fields mukofotini olgan yagona ayol-laureat vafot etdi“. Kun (2017-yil 15-iyul). Qaraldi: 2019-yil 26-oktyabr.

Havolalar

• Rasmiy sayt ^(fors.)