Dava
From Wikipedia, the free encyclopedia
David Ashotovich Manukyan[1] (1993-yil 16-mart, Novosibirsk) – Dava nomi bilan tanilgan, rossiyalik hip-hop va rep ijrochisi, videobloger va teleboshlovchi .
David Ashotovich Manukyan 1993-yil 16-martda Novosibirskda tugʻilgan. Erta yoshida bal raqslarini oʻrgangan, keyin professional sportga oʻtgan. 2011-yilda Rossiya chempionati gʻolibi va raqs boʻyicha jahon chempionatining kumush medali sovrindori boʻldi. Maktabni tugatgach, u Sibir menejment institutiga oʻqishga kirdi. 2017-yilda Instagramda blog yuritishni boshladi. 2020-yil holatiga koʻra, obunachilar soni 13 milliondan ortiq[2][3].
Musiqiy karyerasi
Xonanda oʻzining professional faoliyatini 2018-yilda Karina Kross bilan birgalikda „Vnutri“ qoʻshigʻini yozishdan boshlagan (VKontakte chartida yettinchi oʻrin; iTunesda oʻninchi oʻrin)[4][5]. Keyingi chiqqan treki „XXX“ (VKontakte chartida toʻqqizinchi oʻrin)ga videoklip suratga olingan. 2019-yilda „Booom“ qoʻshigʻini yozdi (VKontakte chartida 22-oʻrin)[6]. 2019-yil yanvar oyida Karina Kross bilan birga yozgan „Booom“ qoʻshigʻi uchun videoklip suratga olish uchun Noviy Arbat koʻchasini toʻsib qoʻygani uchun OAV diqqat markaziga tushadi. Ular „jamoat joylarida bir vaqtning oʻzida fuqarolarning ommaviy boʻlishini va (yoki) harakatini tashkil etish, natijada jamoat tartibini buzish“ (Maʼmuriy javobgarlik toʻgʻrisidagi kodeksning 20.2.2-moddasi)[7] sabablli oʻn sutkalik maʼmuriy qamoqqa olingan, ammo bu OAV eʼtiborini tortishiga olib kelgan. Bir muncha vaqt oʻtgach, bir qator singllarini chiqardi: „Kislorod“ (VKontakte chartida birinchi oʻrin)[8][9], „Tansuy kak pchela“ (VKontakte chartida beshinchi oʻrin)[10][11], „Milada“ " („VKontakte“ chartida 11-oʻrin)[12], „Dikaya lyubov“, „Skorost“ va „Instamodel“. 2019-yilda 5 ta trekni oʻz ichiga olgan Sila prityajeniya" deb nomlangan debyut mini-albomini chiqardi[13]. 2019-yil oktyabrda „Kislorod“ treki uchun platinali disk oldi. 2019-yil 20-dekabrda „Santa“ qoʻshigʻiga videoklip chiqardi. 2020-yil iyunda „XXX“ va „Booom“ treklari uchun ikkita platinali disk oladi. 2020-yil 25-iyunda „Chyorniy bumer“ treki uchun (Seryoga bilan birgalikda) olgan videoklipini chiqardi, videoklip 50 milliondan ortiq koʻrilgan[14]. 2020-yil iyul oyida oʻzining „Korol“[15] nomli debyut studiyaviy albomini chiqardi. 2020-yil 12-avgustda „Roleks“ treki uchun (Filipp Kirkorov bilan birgalikda) olgan videoklipini chiqardi, klip 25 milliondan ortiq koʻriladi[16].
Telekoʻrsatuvdagi karyerasi
2021 yilda "Rossiya-1 " telekanalining "Tansi so zvyozdami " loyihasida ishtirok etdi va unda ikkinchi oʻrinni egalladi[17][18]. 2021-yildan 2023-yilgacha „Yu“ [19] telekanalida „Dom-2“ realiti-shousining boshlovchisi boʻlgan. 2022-yil sentyabr oyida Muz-TV telekanalidagi „Bitva pokoleniy“ shousining hakamlar hayʼati aʼzosi boʻldi. 2022-yil oktyabrda STS telekanalidagi „Maska. Tansi“ shousida uchinchi oʻrinni egalladi[20]. 2022-yil noyabrda TV-3 kanalidagi „Vorislar va firibgarlar“ realiti-shousining ishtirokchisi boʻldi[21].
Shaxsiy hayoti
2019-yil 7 avgustdan 2021-yil 22-yanvargacha Olga Buzova bilan munosabatda boʻlgan[22].
Reytingi
2022-yilda Romir Influence Rankingda 9-oʻrinni egallagan[23].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
