From Wikipedia, the free encyclopedia
Corradino qamoqxonasi (Maltacha: Faċilità Korrettiva taʼ Kordin), Corradino axloq tuzatish muassasasi deb ham atalgan — Maltaning Paola shahrida joylashgan qamoqxona. Bu Maltaning eng katta va asosiy axloq tuzatish muassasasi. Erkaklar, ayollar va bolalar uchun turli boʻlimlari mavjud. Qamoqxona nomi XIII-asrda Malta arxipelagida hukmronlik qilgan Sitsiliya qiroli Svabiyalik Konradin nomi bilan atalgan Korradino tepaligidan olingan.
| Corradino qamoqxonasi | |
|---|---|
_01_ies.jpg) | |
| Umumiy maʼlumot | |
| Shahar | Paola |
| Mamlakat | Malta |
| Koordinatalar | 35°52′26″N 14°30′22″E |
| Qurilishi boshlangan | 1842-yil |
| Egasi | Malta hukumati |
| Dizayn va konstruksiya | |
| Quruvchi | W. Lamb Arrowsmith |
| Muhandis | Royal Engineers |
Corradino qamoqxonasi Britaniya mustamlakachilari tomonidan 1842-yildan boshlab Londondagi Pentonvil qamoqxonasi namunasi boʻyicha V. Lemb Arrowsmit rejasi asosida qurilgan. 4 binodan iborat boʻlib 200 ta mahbus sigʻgan.
1942-yil 28-noyabrda irredentist Karmelo Borg Pisani davlatga xiyonat qilgani va oliy hazratlari hukumatiga qarshi fitna uyushtirgani uchun qamoqxonada osib qatl etilgan. Bu, shuningdek, Maltada amalga oshirilgan 18 qatlning oxirgisi edi.
1995-yilda qamoqxona ichidagi yashash sharoitlarini yaxshilash uchun „Mid-Dlam gad-Dawl“ („Zulmatdan yorugʻlik“) mahbuslar uyushmasi tashkil etilgan. 1999-yilda balogʻatga yetmaganlar binosi 36 kameradan iborat edi[1]. 2005-yildan beri qamoqxonada 2010-yilda umrbod qamoq jazosiga hukm qilingan yagona Maltalik qotil Silvio Mangion joylashgan edi. 2006-yil 28-yanvarda qamoqxonaga Gozoning yangi episkopi Mario Grex tashrif buyurdi. 2011-yilda mavjud 444 oʻrinda 593 nafar mahbus bor edi va ular quyidagicha taqsimlandi:[2] allaqachon sudlangan 384 mahbus (jumladan 24 nafari ayol), 209 nafar mahkum sud jarayonini kutyotganlar (shundan 15 nafari ayol) va 34 nafar voyaga yetmagan o‘g‘il bolalar (16-22 yosh atrofi).
2011-yilda balogʻatga yetmagan mahbuslar ulushi (6,1%) Yevropa Ittifoqiga aʼzo mamlakatlarda eng yuqori koʻrsatkichni tashkil etdi[3]. 2014-yilda qamoqxonada 205 kishi ishlagan, ulardan 8 nafari Malta politsiyachisi[4] boʻlgan. 2013-yilda qamaqxonada 576 mahbus bor edi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
