amerikalik aktrisa From Wikipedia, the free encyclopedia
Brittany Ann Daniel (talaffuzi: Britini Enn Deniel; 17-mart, 1976-yil, Florida, AQShda tugʻilgan) — amerikalik aktrisa. U fotograf va sobiq aktrisa Cynthia Danielning egizagidir.
Daniel oʻzi ishtirok etgan Sweet Valley High (1994—1997) nomli oʻsmirlar dramatik serialidagi Jessica Wakefield roli va „The Game“ (2006-2011; 2014-2015) nomli CW/BET tomonidan efirga uzatilgan komedik drama teleserialdagi Kelly Pitts rollari bilan mashhur. Uning film shartnomalari orasida Joe Dirt (2001) va ushbu filmning 2015-yildagi davomida ijro etgan Brendy roli, shuningdek, White Chicks (2004) va Skyline (2010) filmlari ham mavjud.
1976-yil 17-mart sanasida Brittany va uning egizak singlisi Cynthia (talaffuzi: Sinti) Florida shtatining Gainesville shahrida Carolyn va Charlton Bradford (C.B.) Daniel Junior oilasida tavallud topgan. Egizaklarning Brad ismli akalari ham bor[1].
11 yoshida ikkala qiz ham Ford agentligi bilan shartnoma imzolaydilar va modelling sohasida oʻzlarini sinab koʻradilar. Ular Seventeen va YM nomli jurnallar muqovalarida koʻrinish bera boshlaydilar. Egizaklar Doublemint saqichining reklamalarida „Doublemint Twins“ (tarjimasi: Doublemint egizaklari) sifatida ham paydo boʻlishadi[2].
Ikkala qiz ham aktyorlik faoliyatini 1989-yilda The New Leave It to Beaver sitkomida suratga tushishi bilan boshlagan. 1992-yilda, oʻn olti yoshida, Brittany qisqa muddatli sindikatlashtirilgan Swanʼs Crossing nomli oʻsmirlar dramasida Mila Rosnovsky rolini qoʻlga kiritadi. Aktrisa serialda suratga tushish uchun New Yorkka koʻchib oʻtadi.
Oʻrta maktabdan soʻng, u Sweet Valley High teleserialida Jessica Wakefield rolini gavdalantiradi (egizak opasi Cynthia Jessicaning egizaki Elizabeth obrazini tasvirlagan). Sweet Valley High shousi davomida qizlar Leonardo Di Caprio bilan birga The Basketball Diaries (1995) dramasida oʻzlarining kinolardagi debyutini amalga oshirishadi[3].
1997-yilda Sweet Valley High bekor qilingandan soʻng ham, Daniel filmlar va teleseriallarda rol oʻynashni davom ettiradi. Shu jumladan, 1999-yilda Dowson's Creekda va keyingi yili TBS efirga uzatgan On Hostile Ground televizion filmida rol oʻynashga muvaffaq boʻladi. U 2001-yilda Joe Dirt filmida bosh rolni ijro etgan David Spadening Brandy ismli sevgilisi sifatida paydo boʻladi. 2002-yilda Daniel 80s Show nomli qisqa muddatli Fox telekanalida efirga uzatilgan teleserialda bosh qahramonlardan birining rolini gavdalantiradi.
2014-yil mart oyida Daniel 2011-yilda unga limfomaning IV bosqichi tashxisi qoʻyilganligini va u kimyoterapiyadan oʻtganini maʼlum qiladi. 2014-yilga kelib u saraton kasalligidan xoli boʻladi[4]. Aktrisa 2007-yildan 2014-yilgacha aktyor Keenen Ivory Wayans bilan ishqiy munosabatda boʻlib kelgan[5]. 2017-yilda u Adam Touniga turmushga chiqadi[6]. 2021-yil 24-oktabrda esa Brittany singlisi Cynthia bachadon tuximining bir qismini unga hadya qilganidan soʻng Hope Rose Tounini ismli qiz farzand koʻradi[7].
Yil | Sarlavha | Rol | Izohlar |
---|---|---|---|
1995 | The Basketball Diaries | Blinkie | |
1999 | Sonic Impact | Rachel | |
2001 | Joe Dirt | Brandy | |
2004 | Club Dread | Jenny | |
2004 | White Chicks | Megan Vandergeld | |
2005 | Dirty | Tatiana | |
2006 | Rampage: The Hillside Strangler Murders | Samantha Stone | |
2006 | Little Man | Brittany | |
2006 | The Hamiltons | Dani Cummings | |
2007 | Last of the Romantics | Sarah Xavier | |
2007 | Loveless in Los Angeles | Kelly Liffen | |
2010 | Skyline | Candice | |
2015 | Joe Dirt 2: Beautiful Loser | Brandy | |
2022 | Cheaper by the Dozen | TBA |
Yil | Sarlavha | Rol | Izohlar |
---|---|---|---|
1989 | The New Leave It to Beaver | Zorigna #1 | Epizod: „Manʼs Greatest Achievements“ |
1992 | Swans Crossing | Mila Rosnovsky | Takroriy rol (54ta epizod) |
1994 | Burkeʼs Law | Ginny | Epizod: „Who Killed the Legal Eagle?“ |
1994–1997 | Sweet Valley High | Jessica „Jess“ Wakefield | Bosh rol (88ta epizod) |
1999 | Dawsonʼs Creek | Eve Whitman | Takroriy rol (4ta epizod) |
2000 | Fortunate Son | N/A | Televizion film |
2000 | On Hostile Ground | Cindy Evers | Televizion film |
2002 | That '70s Show | Penny | Epizod: „Eric’s Hot Cousin“ |
2002 | That '80s Show | Sophia | Bosh rol (13ta epizod) |
2003 | Just Shoot Me! | Sarah | Epizod: „The Goodbye Girl“ |
2003 | 111 Gramercy Park | Brynn Martin | Televizion film |
2004 | North Shore | Cari Layne | Epizod: „Pilot“ |
2005; 2007; 2010 |
Itʼs Always Sunny in Philadelphia | Carmen | 4ra epizod |
2006 | Totally Awesome | Kimberly | Televizion film |
2006 | Community Service | Carly Phillips | Televizion film |
2006–2011;
2014-2015 |
The Game | Kelly Pitts | Bosh rol: 1–3-mavsum;
Takroriy rol: 4, 7–9-mavsumlar (80ta epizod) |
2008 | Ruby | Oʻzi | Epizod: „Meet Ruby“ |
2016-2019 | Black-ish | Blair | 4ta epizod |
2020 | BlackAF | Dr. Peterson | Epizod: „hard to believe, but still because of slavery“ |
Yil | Mukofot | Natija | Turkum | Film yoki serial |
---|---|---|---|---|
1993 | Young Artist Award | Nominatsiya | Best Young Actress in an Off-Primetime Series | Swans Crossing |
1995 | Young Artist Award | Gʻolib | Best Performance: Young Actress in a TV Comedy Series (Cynthia Daniel bilan boʻlishdi) | Sweet Valley High |
2007 | New York International Independent Film & Video Festival | Gʻolib | Best Actress | Last of the Romantics |
2007 | MTV Movie Awards | Nominatsiya | Best Kiss (shared with Marlon Wayans) | Little Man |
2010 | Daytime Emmy Awards | Nominatsiya | Outstanding Special Class Series (aktyorlar bilan boʻlishdi) | Ruby |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.