Botsvana bayrogʻi
From Wikipedia, the free encyclopedia
From Wikipedia, the free encyclopedia
Botsvana davlat bayrogʻi — Botsvana Respublikasining davlat ramzlaridan biri. 1966-yil 30-sentabrda Buyuk Britaniya bayrogʻi oʻrniga qabul qilingan[1]. Bayroq oq chegarali qora gorizontal chiziq bilan oʻrtasidan boʻlingan koʻk paneldir. Chiziq nisbati 9:1:4:1:9. Bu na Pan-Afrika ranglaridan na mamlakatning hukmron siyosiy partiyasining ranglaridan foydalangan baʼzi Afrika bayroqlaridan biridir[2].
Botsvana bayrogʻi | |
---|---|
Mamlakat | Botsvana |
Mutanosibligi | 2:3 |
Qabul qilindi | 30-sentyabr, 1966-yil |
1885-yilda Bechunalend Buyuk Britaniyaning mustamlaka imperiyasida uning protektoratiga aylandi. Bu Tsvana xalqi rahbarlari inglizlar bilan qoʻshni Janubiy Afrika Respublikasidan oʻz yerlariga bostirib kirgan burlardan himoya qilish toʻgʻrisidagi kelishuvdan keyin sodir boʻldi.[3] Ushbu yangi himoyaga qaramay, Janubiy Afrika Bechunalendni oʻz Ittifoqiga qoʻshishlari uchun inglizlarga bosim oʻtkazishda davom etdi[3]. Bechunalend 1966-yilda Buyuk Britaniyadan mustaqillikka erishdi; yangi davlat Botsvana deb nom oldi[4].
Botsvana mustaqillikka erishgunga qadar oʻzining mustamlaka bayrogʻiga ega emas edi[4] shuningdek buyuk Britaniya bayrogʻi protektoratning bayrogʻi boʻlib xizmat qilardi. Botsvana milliy bayrogʻi 1966-yilda tashkil etilganida, u Janubiy Afrika bayrogʻiga oʻxshash qilib yaratildi[5], chunki oxirgi mamlakat aparteid boshqaruv rejimi ortida edi[4]. Shunday qilib, oq ramkali qora chiziq Botsvanada yashovchi Afrika va yevropalik odamlar oʻrtasida tinchlik va hamjihatlikning timsoliga aylandi[2]. Yangi bayroq 1966-yil 30- sentabr kuni Botsvana mustaqil davlatga aylangan kuni yarim tunda koʻtarildi[6].
Bayrogʻidagi koʻk rang Afrika osmonini va suvga boʻlgan umidni, shu jumladan yomgʻir shaklini anglatadi[7], uning yetishmasligi tufayli Kalahari choʻlidagi qurgʻoqchil iqlimini Botsvana xalqi boshdan kechiradi[8], bu mamlakatning milliy shiorida ham ifodalangan: „PULA“-"yomgʻir yogʻsin". Qora chiziq Botsvana tub aholisining ramzidir. Oq chiziqlar milliy ozchilikning ramzidir. Ushbu ranglarning qoʻshniligi qora va oq irqlar oʻrtasidagi oʻzaro tushunish, uygʻunlik va doʻstlikni anglatadi.[9] Bundan tashqari, ranglarning bu kombinatsiyasi mamlakat gerbida tasvirlangan zebrani eslatadi[10].
Sxema | Koʻk | Oq | Qora |
---|---|---|---|
Pantone | 550 °C | - | Black 6 °C |
RGB | 108-166-205 | 250-250-250 | 0-0-0 |
CMYK | C47 M19 Y0 K20 | C0 M0 Y0 K2 | C0 M0 Y0 K100 |
Hexadecimal | #6CA6CD | #FFFAFA | #000000 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.