![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c2/Fat_man.jpg/640px-Fat_man.jpg&w=640&q=50)
ڈیوٹیریئم
From Wikipedia, the free encyclopedia
ڈیوٹیریم یا دومصر (Deuterium) ایک فارغہ (gas) ہے جو ہائیڈروجن (Hydrogen) کا ہم جاء (isotope) ہوتی ہے۔ عام ہائیڈروجن کے جوہر کے مرکزے (nucleus) میں صرف ایک اولیہ (proton) ہوتا ہے اور کوئی تعدیلے (neutrons) نہیں ہوتا۔ اس کے برعکس دومصر کے جوہر کے مرکزے میں ایک اولیے کے ساتھ ایک تعدیلہ بھی ہوتا ہے۔
سمندر کے پانی میں دومصر کا تناسب تعداد کے لحاظ سے ہائیڈروجن (hydrogen) کے مقابلے میں 6420 گنا کم ہے۔ یعنی ہائیڈروجن کی مقدار %99.98 ہوتی ہے اور دومصر کی %0.0156۔ عام سادہ پانی میں اگر ہائیڈروجن کے دس لاکھ جوہر ہوں تو دومصر کے صرف 156 جوہر ہوں گے۔
دومصر کو عام طور پر D کی علامت سے ظاہر کیا جاتا ہے حالانکہ ہائیڈروجن کے ہم جاء کے طور پر 2H لکھنا زیادہ صحیح ہے۔ دومصر اور تیزابساز (oxygen) کے ملاپ سے جو پانی بنتا ہے اس بھاری پانی کہتے ہیں۔ بھاری پانی جوہری بجلی گھر اور نیوٹرینو ڈیٹیکٹر میں استعمال ہوتا ہے۔