![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3c/Donyi_Polo_flag.jpg/640px-Donyi_Polo_flag.jpg&w=640&q=50)
ڈونیو پولو
From Wikipedia, the free encyclopedia
ڈونیو پولو یا ڈونیی پولو اروناچل پردیش کا قدیم مذہب ہے۔ اس مذہب میں قوائے قدرت میں الوہیت اور روحانیت تلاش کی جاتی ہے۔ یہ یہاں کے پشتینی لوگوں کے مذہب کا نام ہے جو قدرت پرستی اور متصورہ طاقتوں کو بلانے میں یقین رکھتا ہے۔ یہ لوگ تانی اور دیگر تبتی برمی لوگ ہیں۔[1] [2][3] اس کا ایک عقیدہ یہ ہے کہ چاند کو باپ کا درجہ حاصل ہے اور سورج کو ماں کا۔ حالیہ عرصے میں ڈونیو پولو کے ماننے والے کثیر تعداد میں مسیحیت، ہندو مت یا اسلام اختیار کرچکے ہیں۔ تاہم آج بھی ڈونیو پولو کے 3,30,000 ماننے والے ریاست میں آباد ہیں۔[4]
![Thumb image](http://upload.wikimedia.org/wikipedia/commons/thumb/3/3c/Donyi_Polo_flag.jpg/640px-Donyi_Polo_flag.jpg)
"ڈونیی پولو" کا مطلب "سورج چاند" ہے۔ اس لفظ کا انتخاب مذہب کے لیے تقویت پہنچانے اور الگ شناخت بنانے کے لیے 1970ء سے کیا جانے لگا۔ اس کی بنیادی وجہ یہ تھی کہ اس وقت بڑے پیمانے پر مسیحیت کی تبلیغ چل رہی تھی اور اس بات کی بھی کوشش کی جا رہی تھی کہ انھیں ہندو مت ہی کے مختلف العقائد لوگ قرار دیا جائے۔ [5]
اس مذہب میں ایک اجتماعی نظام کو رائج کیا گیا ہے۔ اس کے تحت تانی زبان میں تیار کی گئی مناجات لوگ مل کر گاتے ہیں۔ ڈونیو پولو میں فلسفہ - علوم مذہب اور دیوی دیوتاؤں کی تصویر سازی کا منظم طریقہ رائج ہے۔[6] یہاں پر اپنی الگ طرز کی منادر ہیں۔[7] یہاں کے لوگوں کے عقائد کے احیا کے پیچھے روح رواں کی طرح تالوم روکبو نے کام کیا تھا۔[8] ڈونیو پولو کربیوں کے ہیمپھو مکرنگ مذہب اور ہروسوؤں کے نییزی نو مذہب سے بہت حد تک مشابہت رکھتا ہے۔