قراء سبعہ
From Wikipedia, the free encyclopedia
قراء سبعہ یا سات قراء ان قراء کو کہا جاتا ہے جن سے قرآن کریم کی قراءت کے سلسلہ میں متعدد روایتیں وارد ہوئی ہیں، ان روایتوں میں بعض جگہوں پر کلمات، اعراب (زبر، زیر، پیش) وغیرہ کا اختلاف پایا جاتا ہے۔ علوم قرآن کی متدوال کتابوں میں ان قراء کے نام اس طرح درج ہیں: عبد اللہ بن عامر، ابن کثیر المکی، عاصم بن بہدلہ کوفی، ابو عمرو بصری، حمزہ کوفی، نافع مدنی اور کسائی کوفی۔[1] یہ تمام اصحاب طبقات قراء کے تیسرے طبقہ میں آتے ہیں۔
نیز مزید تین قراء ہیں جن کی قراءتیں بھی قابل اعتماد ہیں لیکن مذکورہ قراء سبعہ سے درجہ اعتماد کچھ کم ہے، تین قراء کے نام یہ ہیں: خلف بن ہشام بزار، یعقوب بن اسحاق اور یزید بن قعقاعانھیں ائمہ ثلاثہ قرأت کہا جاتا ہے پہلے سات اور ان تینوں کواکٹھے قراء عشرہ کہا جاتا ہے۔ یہاں یہ بات بھی قابل ذکر ہے کہ ان دس قراءتوں کے علاوہ مزید قراءتیں بھی موجود ہیں جو دیگر قراء سے مروی ہیں لیکن یہ شاذ قراءتیں کہلاتی ہیں۔[2][3]