علاقہ کڈال

علاقہ کڈال (Kidal) مالی کے آٹھ علاقوں میں سے ایک ہے جس کا رقبہ 151,430 مربع کلومیٹر ہے اور علاقہ کے مغرب میں مالی علاقہ ٹمبکٹو، جنوب میں علاقہ گاو، مشرق میں نائیجر کا ملک اور شمال میں الجزائر واقع ہیں۔ علاقہ صحرائي ہے اور دن کا درجہ حرارت 45 درجہ سینٹی گریڈ تک پہنچ جاتا ہے۔ علاقہ کی آبادی لگ بھگ 85,000 ہے اور علاقائی صدرمقام کڈال ہے۔ علاقہ میں مقامی نوماڈک قبائل رہتے ہیں جس کو دنیا کا سب سے زیادہ نظر انداز علاقہ کہا جا سکتا ہے۔ یہاں کے قبائل ابھی تک غاروں والے زمانہ میں رہ رہے ہیں اور ارد گرد کے رہنے والوں سے بالکل لا تعلق ہیں۔ ابھی کچھ سالوں سے ہی بچوں نے اسکولوں اور بنیادی سہولیات صحت کے بارے میں جانا ہے۔ زندگی بالکل مختلف ہے اور یہاں کے مرد سر پر پگڑی باندھتے ہیں جو اس علاقہ کی پہچان ہے۔ اہم شہروں میں کڈال، ٹسالٹ اور اگوعلہاک ہیں۔

علاقہ کو درج ذیل 4 سرکلز میں تقسیم کیا گيا ہے۔

• ابعیبارا سرکل (Abéibara)
• کڈال سرکل (Kidal)
• ٹن ایساکو سرکل (Tin-Essako)
• ٹیسالٹ سرکل (Tessalit)

معاشیات اور ذرائع آمدورفت

اہم سامان تجارت میں مویشی، برتن وغیرہ ہیں۔ فارمنگ کا آغاز بھی ہو چکا ہے لیکن ابھی ابتدائی مراحل میں ہے۔ علاقہ ارد گرد کے علاقوں سے بہت زیادہ منقطح ہے اور علاقہ میں کوئی پکی سڑک نہیں آتی ہے اور نہ کوئی دریا ہے۔

تہذیب و تمدن

ہر سال ایسوک (Essouk) کے مقام پر صحرائی موسیقی کا میلہ (Desert Music Festival) منایا جاتا ہے۔

علاقائی آباد کاروں میں بنیادی طور پر ٹووگ قبائل (Tuaregs) ہیں جو بربر نژاد نوماڈک ہیں۔ طرز تحریر ٹفناغ حروف تہجی (Tifinagh alphabet) پر مرتب ہے۔

مزید دیکھیے

ویکی ذخائر پر علاقہ کڈال سے متعلق سمعی و بصری مواد ملاحظہ کریں۔

• مالی کی علاقائی تقسیم