From Wikipedia, the free encyclopedia
شینہائی انقلاب (انگریزی: Xinhai Revolution) (چینی: 辛亥革命; پینین: Xīnhài Gémìng) جسے چینی انقلاب اور 1911ء کا انقلاب بھی کہا جاتا ہے ایک انقلاب تھا جس نے چین کے آخری سلسلہ شاہی (چنگ خاندان) کا خاتمہ کیا جس کے نتیجے میں جمہوریہ چین (1912ء–1949ء) کا قیام عمل میں آیا۔ انقلاب کا نام شینہائی اس وجہ سے ہے کیونکہ یہ 1911ء میں ہوا جو چینی تقویم کے مطابق شینہائی (辛亥; 'دھاتی سور') کا سال ہے۔ [2]
شینہائی انقلاب Xinhai Revolution 1911ء کا چینی انقلاب (Chinese Revolution of 1911) | |||||||
---|---|---|---|---|---|---|---|
سلسلہ چنگ مخالف تحریک | |||||||
![]() شینہائی انقلاب کے دوران نانجنگ روڈ | |||||||
| |||||||
مُحارِب | |||||||
|
![]() ![]() ![]() گیلاوہوئی تیاندیہوئی مختلف دیگر انقلابی گروہ اور قوتیں علاقائی حکام اور جنگجو | ||||||
کمان دار اور رہنما | |||||||
![]() ![]() ![]() ![]() ![]() ![]() ![]() ![]() ![]() |
![]() ![]() ![]() ![]() ![]() ![]() | ||||||
طاقت | |||||||
200,000 | 100,000 | ||||||
ہلاکتیں اور نقصانات | |||||||
~170,000 | ~50,000 |
اس انقلاب میں بہت سے بغاوتیں اور شورشیں شامل تھیں۔ اس کا اہم موڑ 10 اکتوبر 1911ء کو ہونے والی ووچانگ شورش (چینی: 武昌起义) تھی جو "ریلوے تحفظ تحریک" پر غلط انداز میں پیش آنے کی وجہ سے تھی۔ انقلاب کا اختتام 12 فروری 1912ء کو چھ سالہ آخری شہنشاہ پویی کی تخت سے دستبرداری پر ہوا۔ اس کے ساتھ ہی دو ہزار سالہ چینی شاہی دور کا اختتام اور چینی ابتدائی جمہوری دور کا آغاز ہوا۔ [3]
انقلاب کی بنیادی وجہ چنگ خاندان کا زوال تھا جو چین کو جدید بنانے اور غیر ملکی جارحیت کا مقابلہ کرنے میں ناکام ثابت ہوا تھا۔ بہت سے زیر زمین "چنگ مخالف گروہ"، جلاوطن چینی انقلابی چنگ خاندان کو ختم کرنے کی کوشش میں تھے۔ مختصر خانہ جنگی چنگ حکومت کے با اثر چینی فوجی اور حکومتی اہلکار یوان شیکائی اور تونگمینگہوئی (متحدہ جماعت) کے رہنما سن یات سین کے درمیان ایک سیاسی سمجھوتے کے ذریعے ختم ہوئی۔
جمہوریہ چین اور اصل سرزمین چین پر عوامی جمہوریہ چین دونوں خود کو شینہائی انقلاب کا جائز جانشین تصور کرتے ہیں اور قوم پرستی، جمہوریت، چین اور قومی اتحاد کے نظریات سمیت اس کا احترام کرتے ہیں۔ تائیوان میں 10 اکتوبر "دہرے دس" دن کے طور پر جمہوریہ چین کا "قومی دن" ہے۔ اصل سرزمین چین، ہانگ کانگ اور مکاؤ میں یہ دن شینہائی انقلاب کے سالانہ جشن کے طور پر منایا جاتا ہے۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.