زَوَر
From Wikipedia, the free encyclopedia
زَوَر (paranoia) ایک قسم کے اضطراب عقلی کو کہا جاتا ہے اور ایک شدید نفسیاتی کیفیت یا علت کو ظاہر کرتا ہے۔ اس نفسیاتی کیفیت کو ماہرین نفسیات، ذھان (psychosis) میں شمار کرتے ہیں۔ اس علت یا کیفیت کی حامل شخصیت ایسے اوھام (delusions) میں مبتلا ہوتی ہے کہ جو اپنی نوعیت میں منظم اور مربوط ہوتے ہیں یعنی ان اوھام میں ایک تنظیم پائی جاتی ہے، موجودہ علم نفسیات میں زَوَر کی اصطلاح ایسے ہی منظم اوھام کے ليے اختیار کی جاتی ہے۔ یہ اوھام یا تو دوسروں کی جانب سے ایذا، ستم اور تکلیف پہنچائے جانے کے ہوتے ہیں اور یا پھر یہ اوھام اپنی عظمت، توقیر اور جاہ و جلال کے ہوتے ہیں؛ اول الذکر کو اوھامِ اذیت (delusions of persecution) جبکہ بعد الذکر کو اوھامِ عظمت (delusions of grandeur) کہا جاتا ہے۔ جیسا کہ مذکورہ بالا سطور میں درج ہوا کہ یہ ایک کیفیت یا علت کا نام ہے نا کہ کسی ایک مخصوص مرض یا بیماری کا، یعنی زَوَر ایک ایسی نفسیاتی علامت یا کیفیت ہے کہ جو متعدد مخصوص نفسیاتی امراض میں ظاہر ہو سکتی ہے۔[1]
اصطلاح | term |
---|---|
زُور زَوَر زَوَر زَوَری (حالت) اَزور (حامل) زَوَرانی زَوَرانيت |
force |