From Wikipedia, the free encyclopedia
9/11 کو جواز بنا کر افغانستان پر امریکا اور اس کے حواریوں نے 2002ء میں جنگ مسلط کر دی۔ افغانستان کے خلاف اس جنگ میں تقریباً تمام مغربی ممالک امریکا کے حواری بن کر شامل ہو گئے۔ ان ممالک میں برطانیہ، آسٹریلیا، کینیڈا اور نیٹو تنظیم کے بیشتر ممالک شامل ہیں۔ اس کارروائی میں نیٹو فوجوں نے ہوائی طاقت کا بے شمار استعمال کرتے ہوئے فرضی دہشت گردوں کو نشانہ بناتے ہوئے انگنت بم افغانستان کے علاقہ پر گرائے۔ افغانستان میں امریکی اور نیٹو فوج انوکھے انداز سے جنگ لڑ رہی ہے۔ اگر امریکی فوجی فائرنگ کی زد میں آ جائیں تو فوراً بمبار لڑاکا ہوائی جہازوں کی مدد مانگ لیتے ہیں۔ لڑاکا جہاز سارے علاقے پر اندھا دھند بمباری کر کے سینکڑوں رہائشیوں کو ہلاک کر دیتے ہیں۔[1] ویڈٰیو گیم کی طرح لوگوں کو فضا سے نشانہ بنا کر قتل کیا جا رہا ہے۔[2] نئے امریکی صدر بارک اوبامہ نے 2009 میں جنوبی افغانستان کے پشتونوں کے خلاف جنگ تیز کرنے کے لیے میرین برگیڈ روانہ کیا۔[3] بارک اوبامہ کی طرف سے 2010ء میں جنگ تیز کرنے کے نتیجے میں افغان ہسپتالوں میں لائے جانے والے زخمیوں کی تعداد میں 163% کا اضافہ ہوا۔[4]
جون 2010ء میں امریکی فوج نے اعلان کیا کہ اس نے افغانستان میں کثیر معدنی خزانوں کا پتہ چلایا ہے۔ نیویارک ٹائمز کے مطابق یہ خزانے مغربی دنیا کے کاروباریوں کے حوالے کر دیے جائینگے۔[5]
یہ "جنگ" جو 2011ء تک جاری ہے امریکا کی طویل ترین جنگ ہے۔
امریکا مخالف طالبان نے جنگ میں پہلی بڑی کامیابی اگست 2011ء میں حاصل کی جب انھوں نے امریکی فوجی بالگرد مار گرایا۔[6] اس واقعہ کے بعد امریکی فوج نے بڑے پیمانے پر فضائی قتل و غارت اور زمینی ہراساں کی مہم شروع کی۔[7]
امریکی فوجی اپنی مرضی سے بھی نہتے افغان شہریوں کو قتل کرتے رہے۔ کچھ امریکی فوجی مرے افراد کے ساتھ اپنی تصویریں بنا کر خوش ہوتے۔[8][9] امریکی درندگی کے کئی واقعات منظر عام پر آئے۔[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.