![ضد ابہام صفحات کے لیے معاونت](//upload.wikimedia.org/wikipedia/commons/thumb/4/47/List2_gray%26blue.svg/20px-List2_gray%26blue.svg.png)
زیر نظر مضمون ترقی کے بارے میں ہے۔
دیگر استعمالات کے لیے
ترقی (ضد ابہام) دیکھیے۔
ترقی سے مراد عمومی مفہوم میں کسی بھی معاشرے میں اس کے رہنے والوں کے معیار زندگی (standard of living) میں ہونے والی بہتری کی ہوتی ہے، جس سے براہ راست ہر فرد کی کیفیت حیات (quality of life) اور راحت الوجود (well being) کے درجات میں اضافہ ہوتا ہے۔ راحت الوجود، یعنی ایک انسان کا ذہنی اور جسمانی سکون، وہ بنیادی عنصر ہے کہ جو کسی بھی معاشرے کی انفرادی اکائیوں یعنی اس کے افراد کو مثبت انداز میں متحرک کر سکتا ہے اور ترقی میں نا صرف اضافہ بلکہ اس کا تسلسل بھی قائم رکھنے میں اہم ترین کردار ادا کرتا ہے۔ راحت الوجود، عزتِ نفس (self respect) اور بلا تفریقِ حیثیت و مذہب، فردی عظمت و وقار کا احساس و تحفظ جب تک کسی معاشرے میں مہیا نا کیا جاسکے گا، اس کی ترقی کے امکانات تاریک ہی رہیں گے۔[1] کاروبار زندگی، گھر اور خاندان کا معاشرے میں کردار اور تجارت و معاشی ترقی جیسے لوازمات کو سائنس میں ترقی کے لیے لازمی قرار دیا جاتا ہے اور بنیادی طور پر یہ تمام عوامل راحت الوجود اور عزت نفس سے مشروط ہیں، ان کی ناپیدی سے معاشی و مالی استحکام مفقود ہو جاتا ہے اور سائنس کے لیے درکار بنیادی لوازمات کی فراھمی محدود ہو کر کسی بھی قوم کے زوال کا سبب بن سکتی ہے۔[2]
اجمالی معلومات
چند اہم الفاظ |
ترق ترقی مترق (صفت) مترقیہ (اسم) مترقیت ارتقا |
rise progress progressive progressive Progressivism evolution |
|
بند کریں