From Wikipedia, the free encyclopedia
بے لربیئی محل (ترکی: Beylerbeyi Sarayı) ایک عثمانی شاہی محل ہے جو باسفورس کے کنارے استنبول، ترکی کے ایشیائی حصے میں ضلع اسکودار میں واقع ہے۔ یہ عثمانی شاہی محل، موسم گرما کی شاہی رہائش گاہ تھی جو 1860 کی دہائی میں تعمیر ہوئی تھی۔ سلطان عبدالحمید ثانی اپنی موت سے قبل اسی محل میں نظر بند تھے۔
بے لربیئی محل Beylerbeyi Palace Beylerbeyi Sarayı | |
---|---|
![]() بے لربیئی محل, باسفورس | |
عمومی معلومات | |
معماری طرز | عثمانی معماری |
شہر یا قصبہ | استنبول |
ملک | ترکی |
آغاز تعمیر | 1861 |
مؤکل | سلطان عبد العزیز |
مالک | ترکی ریاست |
ڈیزائن اور تعمیر | |
معمار | ہاگوپ بالیان، سارکس بالیان |
بے لربیئی محل کو بنانے کا حکم سلطان عبد العزیز (1830– 1876) نے دیا تھا اور یہ 1861 ء سے 1865 کے درمیان تعمیر ہوا۔ اس محل کا مقصد موسم گرما کی شاہی رہائش گاہ اور مہمان سربراہان مملکت کی تفریح کے لیے تھا۔
فرانس کی ملکہ یوجنیی د مونتییو نے 1869 میں جبکہ وہ نہر سویز کا افتتاح کرنے جا رہی تھی اس محل میں رہی۔ ملکہ یوجنیی د مونتییو محل کی خوبصورتی سے اس قدر متاثر ہوئی کہ اس نے اپنے پیرس کے تویلیغی محل میں اپنے کمرے میں بیلربے محل جیسی کھڑکی بنوائی۔
ایران کے نصیرالدین شاہ قاجار، فرانس کے ایکسپیژن یونیورسل (1889) سے واپس جاتے ہوئے جب وہ استنبول میں تھے تو اسی محل میں ہی قیام پزیر رہے۔ محل میں آنے والے دوسرے باقاعدہ مہمانوں میں ڈیوک اور ڈچس آف ونڈسر شامل تھے۔
یہ محل 1912 سے لے کر 1918 میں ان کی وفات تک معزول سلطان عبدالحمید ثانی کی اسیری کی آخری جگہ تھا۔
اس محل کا ڈیزائن سارکس بالیان نے بنایا تھا اور اس سے پہلے تعمیر شدہ محل دولماباغچہ محل کی نسبت سادہ انداز میں تعمیر کیا گیا۔ یہ محل باسفورس سے سب سے زیادہ پرکشش نظر آتا ہے ، جہاں سے اس کے دو غسل خانہ ، ایک حرم (صرف خواتین کے لیے) اور دوسرا سیلامک (مردوں کے لیے) کے لیے ، سب سے زیادہ دیکھا جا سکتا ہے۔ سب سے دلکش کمروں میں سے ایک استقبالیہ ہال ہے ، جس میں ایک تالاب اور چشمہ ہے۔ گرمی میں خوشگوار آواز اور ٹھنڈک کے اثر کے لیے عثمانی گھروں میں بہتا ہوا پانی مقبول تھا۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.