From Wikipedia, the free encyclopedia
اکھنڈ بھارت یا اکھنڈ ہندوستان ایک رجوع مکرر سنسکرت اصطلاح ہے جس کے معنی “غیر منقسم ہندوستان” کے ہیں۔اس میں جنوب، مشرق اور وسط ایشیا کی وہ تمام اقوام اور خطے شامل ہیں جو کسی بھی وقت ہندوستانی ریاستوں یا سلطنت کا حصہ رہے تھے یا ہندومت اور بدھ مت کے مذہبی پھیلاؤ کے جغرافیائی دائرے کے زیر اثر رہے تھے۔[1][2][3]
برصغیر پاک و ہند کا خطہ مختلف ادوار میں بہت سی ریاستی اکائیوں اور سلطنتوں کا مرکز رہا ہے جن میں اشوک کے زیر نگیں بام عروج پر موریہ سلطنت، مغل سلطنت 1526-1700اور برطانوی راج پوری انیسویں صدی ، ان سب نے جنوبی ایشیا کی صورت گری پر بہت گہرے نقوش مرتب کیے۔[4]
تحریک آزادی ہند کے وقت کنہیا لال مانک لال منشی نے اکھنڈ ہندوستان کی وکالت کرتے ہوئے کہا کہ مہاتما گاندھی کا ماننا ہے کہ جب تک برطانوی ہندوستان میں ہیں اس وقت تک ہندو مسلم اتحاد کی کوئی کوشش کارگر ثابت نہیں ہوگی کیونکہ برطانیوں کی یہ پالیسی ہے کہ تقسیم کرو اور حکومت کرو لہذا یہ ہمیں مجتمع نہ ہونے دیں گے۔اس کے علاوہ مظہر علی خان نے لکھا کہ خان برادر اکھنڈ ہندوستان کے لیے لڑنے کو پرعزم تھے اور انھوں نے لیگ کو صوبائی انتخابات سے پہلے اس مسئلے سے نمٹنے کے لیے چیلنج بھی کیا تھا۔ 7-8 اکتوبر 1944 کو رادھا کمد مکھرجی نے دلی میں اکھنڈ ہندوستان کے قائدین کی کانفرس کی صدارت کی۔
موجودہ دور میں اکھنڈ بھارت یا اکھنڈ ہندوستان کے قیام کی تحریک ہندو قوم پرست تنظیموں کی طرف سے اٹھائی گئی آواز ہے مثلاً ہندو مہاسبھا، ککبھوسوندی انقلابی فورم، راشٹریہ سوایم سیوک سنگھ، وشوا ہندو پریشاد، شیو سینا، ہندو سینا ، ہندو جناجاگرتی سمیتی اور بھارتیا جنتا پارٹی وغیرہ۔[5][6][7][8]اسی مقصد کے لیے کام کرنے والی ایک اور تنظیم اکھنڈ ہندوستان مورچہ نے تو اپنا تنظیمی نام ہی اس اصطلاح کو بنایا ہوا ہے۔ ہندوستان کی دیگر اہم سیاسی جماعتیں مثلاً بائیں بازو کی جماعت انڈین نیشنل کانگریس وغیرہ اکھنڈ بھارت کے دوبارہ قیام کی تحریک کی حمایت نہیں کرتی، اگرچہ ہندوستان کشمیر ( ہندوستان، پاکستان اور چین کے درمیان منقسم ریاست) کو سرکاری نقشہ جات میں اپنا اٹوٹ انگ بتاتا رہا ہے۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.