From Wikipedia, the free encyclopedia
مالی مغربی افریقہ کا ایک زمین بند ملک ہے جو الجیریا کے جنوب مغرب میں واقع ہے۔
مغربی افریقا، الجزائر سے جنوب مغرب، جنوبی صحارہ سے جنوب مغرب کی طرف بڑھتا ہوا اور ساحل (Sahel) سے گزرتا ہوا سوڈان کے سوانا تک۔
12 درجے 39 منٹ شمال 8 درجے 0 منٹ مغرب
مالی براعظم افریقا میں واقع ہے۔
مالی کا کل رقبہ 12 لاکھ 40 ہزار مربع کلومیٹر ہے۔
زمین۔ 12 لاکھ 20 ہزار مربع کلومیٹر
پانی۔ 20 ہزار مربع کلومیٹر
مالی کی زمینی سرحدیں کل 7,243 کلومیٹر ہیں۔ جس میں سے الجزائر کے ساتھ 1,376 کلومیٹر، برکینا فاسو کسے ساتھ 1,000 کلومیٹر، گنی کے ساتھ 858 کلومیٹر، آئیوری کوسٹ کے ساتھ 532 کلومیٹر، ماریطانیہ کے ساتھ 2,237 کلومیٹر، نائیجر کے ساتھ 821 اور سینیگال کے ساتھ 419 کلومیٹر ہیں۔
مالی کی سمندری حدود نہیں ہیں کیونکہ یہ ایک زمین بند ملک ہے۔
سب ٹروپیکل سے ایرید، مالی کا موسم فروری سے جون تک گرم اور خشک، جون سے نومبر تک بارش، گرم مرطوب، نومبر سے فروری تک قدرے سرد اور خشک ہوتا ہے۔
مالی کی سطح زمین زیادہ تر ہموار اور ریتلی ہے جبکہ جنوب میں سوانا اور شمال مشرق میں خشک چوٹیاں ہیں۔
مالی کے قدرتی وسائل میں سونا، فاسفورس کے مرکبات، کاولن، نمک، چونے کا پتھر، یورینیم اور پن بجلی شامل ہیں۔ جبکہ بوکسائٹ، لوہا، میگنیز، ٹن اور تانبا کے اثرات موجود ہیں لیکن نکالے نہیں جاتے۔
بمطابق اندازہ 1993ء
مالی کا زیر آبپاشی رقبہ 1993ء کے تخمینہ کے مطابق 780 مربع کلومیٹر ہے۔
مالی کے شمالی صحرا میں ریتلے طوفان آتے رہتے ہیں۔ خشک موسم میں گرد آلود آندھیاں (Harmattan) چلتی ہیں جو ہوائی جہازوں کی پروازوں میں مشکالات پیدا کرتی ہیں اور کمپیوٹر اور دیگر الیکٹرانک مشینوں کے کام میں خلل ڈالتی ہیں۔ یہ آندھیاں نظام تنفس کی بیمایاں بھی پیدا کرتی ہیں۔ اس کے علاوہ خشک سالی، جنوبی جھاڑی دار علاقوں میں آگ، کبھی کبھی سیلاب جیسا کہ 2007ء میں آیا تھا اور جنوبی ٹروپیکل علاقوں میں بجلی کی گرج چمک اور تیز ہوائيں مالی کی قدرتی آفات ہیں۔
مالی جنگلات کا غیر قانونی کٹاو، زمین کا کٹاو، زمین کی صحرا میں تبدیلی (Desertification)، پینے کے پانی کی نامناسب ترسیل، غیر قانونی شکار جیسے ماحولیاتی مسائل سے دوچار ہے۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.