قبیلہ لاوی یا قبیلہ لیوی (Tribe of Levi) بنی اسرائیل کے بارہ قبائل میں سے ایک ہے۔موسیٰ و ہارون نبی اسی قبیلہ سے تعلق رکھتے تھے۔ جس وجہ سے اس قبیلہ کو خاص عزت ملی۔[1][2] بائبل کے مطابق خود لاوی پر ان کے باپ یعقوب نبی نے لعنت کی تھی،[3] جس وجہ سے یہ قبیلہ لعنتی ٹھہرایا جاتا رہا، مگر پھر کوہ سیناء پر لاویوں کو جب خدا کے انتظام میں اہم ذمہ داریاں تفویض ہوئیں،[4] تو اس وقت یہ مان لیا گیا کہ خدا کی لعنت، خدا کی رحمت سے بدل گئی ہے۔[5]
تورات کے مطابق قبیلہ لاوی کی اولاد پر مشتمل ہے جو یعقوب علیہ السلام اور لیاہ کے تیسرے بیٹے تھے۔[6]
| لاوی | ملکاہ بن نحور | ||||||||||||||||||||||||||||||||||||||||||||||
| جرشون | قهات | مراري | |||||||||||||||||||||||||||||||||||||||||||||
| یوکابد | عمرام | اظہار | حبرون | عزیل | |||||||||||||||||||||||||||||||||||||||||||
| مریم | ہارون | موسیٰ | |||||||||||||||||||||||||||||||||||||||||||||
لاویوں کے تین درجے تھے۔
- ہارون اور ان کے بیٹوں کا پہلا درجہ تھا، یہی کاہن تھے۔ کاہن قہات کے خاندان سے تعلق رکھتے تھے۔
- دومیانی درجہ میں وہ قہتاتی شامل تھے جو ہارون کے خاندان سے نہیں تھے۔ انھیں یہ استحقاق دیا گیا کہ وہ خیمہ اجتماع کے سب سے پاک حصے کی نگہبانی کریں۔[7]
- تیسرا درجہ جیرسونیوں اور مراریوں پر مشتمل تھا۔ ان کے ذمہ کم اہمیت کے کام تھے۔[8]
موسوی شریعت میں کاہنوں اور عام لاویوں میں امتیاز کیا گیا ہے۔[9]
- کاہنوں کے لیے ضروری ہے کہ وہ ہارون کے خاندان سے ہوں جب کہ لاوی کے قبیلہ کے سب لوگ ہی لاوی کہلاتے تھے، ہر ایک کاہن لاوی ہوتا تھا، لیکن ہر ایک لاوی کاہن ہی ہو۔ یہ ضروری نہیں۔
- کاہن خدا کے لیے مخصوص کیے جاتے تھے۔[10][11] جبکہ لاوی پاک کیے جاتے تھے۔[12]
- لاوی ہارون اور اس کے بیٹوں کے خدمتگار سمجھے جاتے تھے[13]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
