دوسری اینگلو مرہٹہ جنگ

دوسری اینگلو مرہٹہ جنگ (1803ء – 1805ء) ہندوستان میں برطانوی ایسٹ انڈیا کمپنی اور مرہٹہ سلطنت کے مابین دوسری جنگ تھی جو وسطی ہند میں پیش آئی۔ اس جنگ میں انگریز فتحیاب رہے۔

دوسری اینگلو مرہٹہ جنگ
سلسلہ اینگلو مرہٹہ جنگیں
اسائی کی جنگ، جے۔ سی۔ اسٹیڈلر
تاریخ 1803 تا 1805 مقام وسطی ہندوستان نتیجہ انگریزوں کی فتح Treaty of Deogaon (1803) Treaty of Surji-Anjangaon (1803) Treaty of Rajghat (1806)
مُحارِب
برطانوی ایسٹ انڈیا کمپنی	مرہٹہ سلطنت
کمان دار اور رہنما
Gerard Lake Arthur Wellesley James Stevenson	Daulat Scindhia Raghoji II Bhonsle Yashwantrao Holkar Pierre Cuillier-Perron
شریک دستے
Lake & Wellesley: 4 regiments European cavalry 8 regiments Native cavalry 2 regiments British infantry 17 sepoy battalions Artillery	Shock Infantry forces
طاقت
Lake, Wellesley, & Stevenson:[1] 27,313 (not including artillery lascars & Madras Pioneers)	~100,000 سپاہی

پس منظر

انگریزوں نے پہلی اینگلو مرہٹہ جنگ میں ملک بدر پیشوا رگھوناتھ راؤ کی مدد کی تھی اور بعد ازاں ان کے بیٹے باجی راؤ دوم کی معاونت کر رہے تھے۔ گوکہ باجی راؤ اپنے والد کی طرح جانباز اور دلیر نہیں تھے لیکن فطرت انتہائی عیار اور دماغ سازشی پایا تھا۔ اسی فطرت کی کارستانی تھی کہ جب باجی راؤ نے ملہار راؤ ہولکر کے کسی عزیز کو مقتول پایا تو اس کی دشمنی کی آگ کو مشتعل کر دیا۔^[2]

سنہ 1799ء اور 1800ء میں سقوط میسور کے بعد ہندوستان میں مرہٹہ واحد بڑی طاقت رہ گئی تھی جو اب تک کمپنی کے حلقہ اثر سے باہر تھی۔ اس دور میں مرہٹہ سلطنت درج ذیل پانچ بڑے سرداروں کے وفاق پر مشتمل تھی: سلطنت کے پایہ تخت پونہ میں پیشوا (وزیر اعظم)، بڑودا کے گائیکواڑ، گوالیار کے شندے، اندور کے ہولکر اور ناگپور کے بھونسلے۔

یہ ستم ظریفی تھی کہ مرہٹہ وفاق پر انگریزوں کا خطرہ منڈلا رہا تھا اور اس کے سردار باہم دست و گریباں تھے۔ کمپنی بہادر کے اس وقت کے گورنر جنرل لارڈ مارننگٹن نے متعدد بار پیشوا اور شندے کو معاہدہ کی دعوت دی لیکن نانا فڈنویس نے ہر دفعہ سختی سے انکار کر دیا۔ اکتوبر سنہ 1802ء میں پیشوا باجی راؤ دوم اور شندے کی مشترکہ افواج نے معرکہ پونہ میں حاکم اندور یشونت راؤ ہولکر کے ہاتھوں شکست کھائی۔ شکست کے بعد پیشوا باجی راؤ انگریزوں کی حفاظت میں چلے گئے۔ اسی سال دسمبر میں معاہدہ وسئی پر دستخط ہوئے اور درحقیقت یہی معاہدہ مرہٹہ وفاق کے زوال کا باعث بنا۔^[2]

جنگ

اس معاہدہ کی شرائط کی رو سے مرہٹہ عمل داری پر انگریزوں کا اثر و رسوخ بڑھ رہا تھا اور پیشوا کی خود مختاری ختم ہو رہی تھی، اس لیے اس معاہدے کو مرہٹہ سرداروں نے قبول نہیں کیا اور اس کے نتیجے میں دوسری اینگلو مرہٹہ جنگ پیش آئی۔

حوالہ جات

1. Randolf G. S. Cooper (2003)۔ The Anglo-Maratha Campaigns and the Contest for India: The Struggle for Control of the South Asian Military Economy۔ Cambridge, UK: Cambridge University Press۔ صفحہ: 315–8۔ ISBN 0-521-82444-3۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 22 ستمبر 2011 الوسيط |url-status= تم تجاهله (معاونت); تحقق من التاريخ في: |access-date= (معاونت)
2. M.S. Naravane (2014)۔ Battles of the Honorourable East India Company۔ A.P.H. Publishing Corporation۔ صفحہ: 65–66۔ ISBN 9788131300343

مزید پڑھیے

• R. S Chaurasian (2004)۔ History of the Marathas۔ New Delhi: Atlantic Publishers and Distributors۔ ISBN 978-81-269-0394-8۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 19 مئی 2018 الوسيط |url-status= تم تجاهله (معاونت)

ویکی ذخائر پر دوسری اینگلو مرہٹہ جنگ سے متعلق سمعی و بصری مواد ملاحظہ کریں۔

ماقبل  پہلی اینگلو مرہٹہ جنگ	اینگلو مرہٹہ جنگیں	مابعد  تیسری اینگلو مرہٹہ جنگ
ماقبل  چوتھی اینگلو میسور جنگ	ہند برطانوی تنازعات	مابعد  تیسری اینگلو مرہٹہ جنگ