ثمینہ پیرزادہ (ولادت: 9 اپریل 1955ء) ایک معروف پاکستانی اداکارہ ہیں جن کا شمار پاکستان ٹیلی ویژن کے ابتدائی زمانے میں کام کرنے والے اداکاروں میں ہوتا ہے جو زیادہ تر ٹیلی ویژن ڈراموں میں کام کرتی ہیں۔ ثمینہ پیرزادہ لاہور میں ایک بٹ (کشمیری ) گھرانے میں پیدا ہوئی ، پرورش کراچی ، سندھ پاکستان میں ہوئی ۔ آپ کی ایجوکیشن کیریئر کامرس سے فارغ التحصیل ہونے کے بعد انھوں نے اداکاری اختیار کرنے کا انتخاب کیا۔ ٹیلی ویژن ڈراموں میں اداکاری کے کئی کامیاب برسوں اور ٹیلی ویژن کے اشتہاروں میں معمولی کرداروں کے بعد ثمینہ کو متعدد فلموں میں اداکاری کے کردار میں کاسٹ کیا گیا۔طویل مدت تک انھوں نے مختلف ڈراموں میں مرکزی کردار کی یہ سے اداکاری کی۔
ثمینہ پیر زادہ نے اپنے کیریئر کا آغاز 1982 میں کیا اور انھوں نے متعدد فلموں میں اداکاری کی ہے جن میں نزدیکیاں، مکھرا، بازار حسن، شادی میرے شوہر کی اور بلندی شامل ہیں۔[1] [2] انھوں نے بین الاقوامی ابسن فیسٹیول میں اوسلو میں بھی پرفارم کیا ہے[3] انھوں نے متعدد ٹیلی ویژن ڈراموں میں کام کیا جس میں زندگی گلزار ہے ، درشہوار، ، رہائی اور شہر ذات شامل ہیں [4] [5] [6] ان کی پہلی ہالی وڈ فلم ، دی ویلی ، 2 مارچ 2018 کو ریلیز ہوئی۔ [7]
ثمینہ پیرزادہ نے ہدایتکاری کی شروعات فلم انتہا سے کی ، جو ایک تنقیدی طور پر سراہی جانے والی فلم [8] ہے۔اس فلم میں ازدواجی عصمت دری کے معاشرتی مسئلے پر آواز اٹھائی گئی ہے۔ اس کے بعد انھوں نے کمرشل فلم شرارت کی ہدایتکاری کی۔
ثمینہ پیرزادہ کی ہدایتکاری میں بننے والی پہلی فلم انتہا کو نو قومی ایوارڈ ملے۔ انھیں نومبر 2013 میں برطانیہ کے شہر بریڈ فورڈ میں منعقدہ منگو فلم فیسٹیول میں لائف ٹائم اچیومنٹ ایوارڈ سے بھی نوازا گیا۔ انھوں نے روشن ستارہ اور زندگی گلزار ہے کے لیے 2013 اور 2014 میں لگاتار بہترین معاون اداکارہ کا ہم ایوارڈ جیتا۔[9]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
