مسیح کی بیوی کی انجیل
From Wikipedia, the free encyclopedia
مسیح کی بیوی کی انجیل ایک قبطی متن (text) ہے جو پیپرس کے ایک ٹکڑے پر لکھا ہوا ہے۔ اس میں یسوع مسیح کے الفاظ اس طرح آئے ہیں: مسیح نے کہا، میری بیوی۔۔۔[1] ماہرین کے مطابق اس تحریر میں یسوع مسیح نے اپنی ’بیوی‘ کی طرف اشارہ کیا ہے۔ جو ممکنہ طور پر مریم مگدلینی ہو سکتی ہے۔[2] تحقیق کاروں کے مطابق یہ چوتھی صدی عیسوی کا ہو سکتا ہے، جسے شاید دوسری صدی عیسوی کے درمیان میں کسی یونانی نسخے سے نقل کیا گيا ہو۔[3] بعض موجودہ ماہرین اسے جدید جعل سازی قرار دیتے ہیں۔
پروفیسر کیرن کنگ (جنھوں نے سب سے پہلے 2012ء میں اس کا اعلان کیا) اور ان کی ساتھی انیمیری لجندجک نے بطور حوالہ اس ٹکڑے کو مسیح کی بیوی کی انجیل کا نام دیا۔[4] لیکن بعد میں انھوں نے اعتراف کیا کہ یہ نام متنازع تھا۔[ملاحظہ 1] کیرن کنگ نے کہا: اسے ثبوت کے طور پر نہیں سمجھنا چائیے کہ تاریخی مسیح نے شادی کی تھی۔[5] لجندجک اور اس کے پائپرولوجی کے ماہر ساتھی روجر بینل نے لجندجک کی اس رائے کی توثیق کی کہ پیپرس کے ایک ٹکڑے سے مسیح کے متعلق رائے قائم کرنا ناممکن ہے۔[5]
ویٹی کان کے اخبار لوسسروتورے رومانو نے فوری طور اسے جدید جعل سازی قرار دیا۔"[6]