رکن ایرانی اسمبلی ایکسپرٹ From Wikipedia, the free encyclopedia
آیت اللہ تقی مصباح[5] (اصلی نامتقی گیوهچی، [6] تها جبکہ آپ آیت اللہ محمد تقی مصباح یزدی کے نام سے معروف تھے آپ 31 جنوری'1934 میلادی میں ایران کے شہر یزد میں پیدا ہوئے۔ آپ نے ابتدائی اور اسلامی تعلیم یزد میں ہی مکمل کی اور اعلیٰ تعلیم حاصل کرنے کے لیے نجف اشرف تشریف لے گئے لیکن بعض وجوہات کی وجہ سے آپ کو نجف چھوڑ کر قم آنا پڑا۔آپ نے بانی انقلاب اسلامی ایران آیت اللہ سید روح اللہ خمینی، آیت آیت اللہ سید محمد حسین طباطبائی اور آیت اللہ شیخ محمد تقی بہجت جیسے عظیم اساتذہ سے کسب فیض کیا۔آپ درس و تدریس کے ساتھ پہلوی حکومت کے خلاف معرکہ آرائی میں بھی پیش پیش رہے، انقلاب سے پہلے آپ آیت اللہ جنتی، آیت اللہ بہشتی اور شہید قدوسی یجیسے بزرگ علما کے ساتھ مدرسہ حقانی کے انتظامی اور تدریسی امور میں مشغول ہوئے اور تقریباً دس سال تک اس مدرسہ میں فلسفہ اور قرآنی علوم پڑھاتے رہے۔اسلامی انقلاب کی عظیم الشان کامیابی کے بعد آپ نے امام خمینی کے حکم سے کئی ادارے قائم کیے جن میں سے اہم ادارے ’’موسسہ در راہ حق‘‘، ’’دفتر ہمکاری حوزہ و دانشگاہ‘‘اور ’’بنیاد فرہنگی باقر العلوم ‘‘ ہے۔
آیت اللہ | |
---|---|
محمد تقی مصباح یزدی | |
(فارسی میں: مُحمَّدتقی مصباح یزدی) | |
مجلس خبرگان رہبری | |
مدت منصب 23 فروری 1999 – 23 مئی 2016 | |
ووٹ | 879,883 (23.74%; 2006)[1] |
مدت منصب 21 فروری 1991 – 22 فروری 1999 | |
معلومات شخصیت | |
پیدائشی نام | (فارسی میں: تقی گیوهچی) |
پیدائش | 1 جنوری 1934ء یزد [2] |
وفات | 1 جنوری 2021ء (87 سال)[3] تہران |
مدفن | حرم فاطمہ معصومہ |
شہریت | ![]() ![]() |
جماعت | جبہہ پایداری انقلاب اسلامی |
رکن | شورای عالی انقلاب فرھنگی ، عالمی اہل بیت اسمبلی |
اولاد | 2 بیٹے اور 1 بیٹی[4] |
رشتے دار | حسین نوری ہمدانی (affinal)[4] |
عملی زندگی | |
مادر علمی | حوزہ علمیہ قم مدرسہ فیضیہ |
استاذ | روح اللہ خمینی ، محمد حسین طباطبائی ، محمد تقی بہجت فومنی |
پیشہ | عالم ، سیاست دان ، فلسفی |
مادری زبان | فارسی |
پیشہ ورانہ زبان | فارسی ، عربی |
Years active | 1963–1964[4] 1989–2021[4] |
Membership | Supreme Council of the Cultural Revolution عالمی اہل بیت اسمبلی |
دستخط | |
ویب سائٹ | |
ویب سائٹ | باضابطہ ویب سائٹ |
درستی - ترمیم ![]() |
اس کے علاوہ آپ امام خمینی تحقیقی و تعلیمی انسٹی ٹیوٹ مؤسسہ آموزشی و پژوهش امام خمینی کے بانی اور سربراہ، مجلس خبرگان رهبری میں صوبہ خراسان رضوی سے منتخب رکن، سابق رکنشورای عالی انقلاب فرهنگی، رکن جامعہ مدرسین حوزہ علمیہ قم، سابق سربراہ شورای عالی عالمی اهلبیت اسمبلی اور حوزهٔ علمیهٔ قم کے اساتذہ میں سے بھی تھے۔ مصباح پائداری انقلاب فرنٹ جبهہ پایداری کے استاد اخلاق اور روحانی باپ سمجھے جاتے تھے۔ کچھ حلقے انھیں سخت گیر اور شدت پسند سمجھتے تھے[7] اس کے علاوہ انھیں حزب اختلاف کے لیے متشدد نظریات رکھنے والے رہنما کی حیثیت سے بھی جانا جاتا تھا۔[8][9][10]آپ اپنی تمام تر مصروفیات کے باوجود اسلامی فلفسہ، الہیات، اخلاق، تفیسر قرآن اور عقائد کے موضوع پر کئی معرکہ آرا کتابوں کے مصنف بھی تھے۔
آیت اللہ محمد تقی مصباح یزدی نے 1 جنوری 2021 اس دنیا کو خیر باد کہہ دیا قابل ذکر ہے کہ آپ ایک طویل عرصہ سے معدے کے مرض میں مبتلا تھے۔[11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.