From Wikipedia, the free encyclopedia
مارگریٹ ہلڈا تھیچر (پیدائشی نام: مارگریٹ ہلڈا رابرٹس) (المعروف ٹھاکُر صاحب) برطانیہ کی معروف سیاست دان اور وزیر اعظم تھیں۔ آپ 13 اکتوبر 1925ء کو گرانتھم، لنکن شائر، انگلستان میں پیدا ہوئیں۔ جامعہ آکسفورڈ میں تعلیم پائی۔ بعد ازاں قانون کی تعلیم حاصل کی اور 1954ء تا 1957ء وکالت کے پیشے سے وابستہ رہیں۔ 1959ء میں قدامت پسند پارٹی کے ٹکٹ پر دارالعوام کی رکن منتخب ہوئیں۔ دو سال بعد قومی بیمہ اور پنشن کی وزارت میں مشترکہ پارلیمانی معتمد (جوائنٹ پارلیمنٹری سیکرٹری) مقرر کی گئیں۔ 1964ء تا 1970ء، جب قدامت پسند پارٹی اپوزیشن میں تھی، اپنی جماعت کی شیڈول کیبنٹ میں سماجی تحفظ کی نائب وزیر مملکت برائے تعلیم و سائنس رہیں۔ فروری 1974ء میں قدامت پسند پارٹی کی شکست کے بعد پارٹی کی شیڈول کیبنٹ میں شامل کی گئیں۔ 1975ء میں جماعت کی سربراہ منتخب ہوئیں۔ مئی 1979ء میں جماعت کی فتح کے بعد وزیر اعظم کے عہدے پر فائز ہوئیں۔ اور 1990ء تک اس عہدے پر فائز رہیں۔
مارگریٹ تھیچر | |||||||
---|---|---|---|---|---|---|---|
وزیر اعظم مملکت متحدہ | |||||||
مدت منصب 4 مئی 1979 – 28 نومبر 1990 | |||||||
حکمران | ایلزبتھ دوم | ||||||
نائب | William Whitelaw Geoffrey Howe | ||||||
| |||||||
قائد حزب اختلاف (مملکت متحدہ) | |||||||
مدت منصب 11 فروری 1975 – 4 مئی 1979 | |||||||
حکمران | ایلزبتھ دوم | ||||||
وزیر اعظم | Harold Wilson James Callaghan | ||||||
| |||||||
Leader of the Conservative Party | |||||||
مدت منصب 11 فروری 1975 – 28 نومبر 1990 | |||||||
| |||||||
Shadow Secretary of State for the Environment | |||||||
مدت منصب 5 مارچ 1974 – 11 فروری 1975 | |||||||
| |||||||
Secretary of State for Education and Science | |||||||
مدت منصب 20 جون 1970 – 4 مارچ 1974 | |||||||
وزیر اعظم | Edward Heath | ||||||
| |||||||
Shadow Secretary of State for Education and Science | |||||||
مدت منصب 10 جنوری 1967 – 20 جون 1970 | |||||||
وزیر اعظم | Edward Heath | ||||||
| |||||||
Parliamentary Secretary to the Minister for Pensions | |||||||
مدت منصب 9 اکتوبر 1961 – 16 اکتوبر 1964 | |||||||
وزیر اعظم | Harold Macmillan Sir Alec Douglas-Home | ||||||
| |||||||
رکن پارلیمان for Finchley | |||||||
مدت منصب 8 اکتوبر 1959 – 9 اپریل 1992 | |||||||
| |||||||
معلومات شخصیت | |||||||
پیدائشی نام | |||||||
پیدائش | |||||||
وفات | |||||||
وجہ وفات | |||||||
طرز وفات | |||||||
شہریت | |||||||
نسل | |||||||
قد | |||||||
مذہب | کلیسائے انگلستان (1951–2013) میتھوڈسٹ مسیحیت (1925–1951) | ||||||
جماعت | |||||||
رکنیت | |||||||
عارضہ | |||||||
اولاد | Carol Thatcher Mark Thatcher | ||||||
عملی زندگی | |||||||
مادر علمی | |||||||
تخصص تعلیم | کیمیا | ||||||
تعلیمی اسناد | بی ایس سی | ||||||
پیشہ | |||||||
مادری زبان | |||||||
پیشہ ورانہ زبان | |||||||
شعبۂ عمل | سیاست ، کیمیا | ||||||
کل دولت | |||||||
عسکری خدمات | |||||||
اعزازات | |||||||
دستخط | |||||||
ویب سائٹ | |||||||
ویب سائٹ | |||||||
![]() |
|||||||
درستی - ترمیم ![]() |
آپ برطانیہ کی تاریخ کی واحد خاتون ہیں جو وزارت عظمیٰ کے منصب پر فائز رہیں۔ آپ لارڈ سالسبری کے بعد سب سے زیادہ عرصے تک اور 19 ویں صدی کے اوائل میں لارڈ لیورپول بعد مستقلاً سب سے زیادہ سالوں تک مسند اقتدار پر فائز رہنے کا اعزاز بھی رکھتی ہیں یعنی آپ 20 ویں صدی میں سب سے طویل مدت تک برطانیہ کی وزیر اعظم رہیں۔ آپ برطانیہ میں کسی اہم سیاسی جماعت کی قیادت کرنے والی پہلی خاتون تھیں اور ملکی تاریخ کی واحد خاتون بھی جنھوں نے ریاست کے چار اہم مناصب پر خدمات انجام دیں۔
آپ سوویت اتحاد پر کڑی تنقید کرتی تھیں اور 1976ء میں سوویت قیادت کے خلاف ایک جارحانہ تقریر پر آپ کو "خاتونِ آہن" کا لقب ملا۔
آپ کے دور کے اہم واقعات میں سرد جنگ کے اختتامی ایام، شمالی آئر لینڈ میں بغاوت میں اضافہ، ایرانی سفارت خانے کا محاصرہ، فاک لینڈ جزائر پر ارجنٹائن کے ساتھ جنگ اور ہانگ کانگ کو چین کے حوالے کرنے کا معاہدہ شامل ہیں۔
1979ء میں برطانوی سرزمین پر امریکا کے جوہری کروز میزائلوں کی تنصیب پر آپ کو کڑی تنقید کا نشانہ بھی بننا پڑا اور ملک بھر میں اس فیصلے کے خلاف زبردست مظاہرے کیے گئے۔
1982ء میں بحر اوقیانوس میں واقع جزائر فاک لینڈ پر ارجنٹائن کے قبضے کے بعد عسکری مہم کے باعث آپ کو برطانیہ میں بڑی شہرت ملی۔ اس مہم کے نتیجے میں برطانیہ نے فاک لینڈ جزائر پر اپنا قبضہ بحال کرالیا۔ اسی جنگ کانتیجہ تھا کہ 1983ء کے انتخابات میں قدامت پسند جماعت بھاری اکثریت سے جیتی۔
1984ء میں قدامت پسند پارٹی کے ایک اجتماع میں بم دھماکے میں آپ بال بال بچیں جو آئرش ریپبلکن آرمی (IRA) نے نصب کیا تھا۔
1986ء میں تھیچر نے امریکی افواج کو برطانیہ کے فضائی اڈوں سے لیبیا کے خلاف بمباری کرنے کی اجازت دی۔
1987ء کے عام انتخابات میں فتح کے بعد تھیچر 20 صدی میں مسلسل تیسری مرتبہ برطانیہ کی واحد وزیر اعظم بنیں۔ تاہم ان کے تیسرے عہد میں جماعت کے اندر تقسیم پیدا ہو گئی جس میں اہم کردار ان کے آمرانہ انداز کا تھا۔ علاوہ ازیں نئے محصولات نافذ کرنے سے بڑے پیمانے پر عوامی غیظ و غضب کو ابھارا۔ یہ محصول جو ہر بالغ شہری پر لگایاگیا 1989ء میں اسکاچستان اور بعد ازاں 1990ء میں انگلستان اور ویلز میں نافذ کیا گیا۔ برطانیہ کے کئی باشندوں نے محصول کی ادائیگی سے انکار کر دیا اور دوسری جانب تھیچر نے بھی اسے واپس لینے سے انکار کیا۔
آپ نے اپنی آپ بیتی دو جلدوں "قوت کا راستہ" (The Path to Power) اور "دی ڈاؤننگ اسٹریٹ" (The Downing Street Years) کے نام سے لکھی ہيں۔ 1993ء میں بی بی سی نے "دی ڈاؤننگ اسٹریٹ" کو ایک دستاویزی سلسلے کی شکل دی۔ 2002ء میں آپ کی تیسری کتاب "ریاست کاری" (Statecraft) میں منظر عام پر آئی جس میں 21 ویں صدی میں سیاسی معاملات پر آپ نے اپنا نقطہ نظر بیان کیا ہے۔
آپ کو آرڈر آف گارٹر، آرڈر آف میرٹ، ملکۂ عالیہ کی پریوی کونسل کی رکن، فیلو آف دی رائل سوسائٹی کے اعلیٰ ملکی اعزازات حاصل ہیں۔ علاوہ ازیں بین الاقوامی سطح پر آپ کو صدارتی تمغۂ آزادی، جمہوری سینیٹوریل تمغۂ آزادی اور رونالڈ ریگن اعزاز آزادی بھی عطا کیے گئے۔
مارگریٹ تھیچر 8 اپریل 2013ء کی صبح دل کا دورہ پڑنے سے رٹز ہوٹل، لندن میں انتقال کر گئیں۔[1][2] وہ اپنے چیسٹر اسکوائر گھر پر سیڑھیوں چڑہنے کی مشکل کی وجہ سے کرسمس کے بعد سے رٹز ہوٹل میں مقیم تھین۔[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.