فلسطینی قاتل From Wikipedia, the free encyclopedia
سرحان بشارہ سرحان (پیدائش: 19 مارچ 1944ء) ایک فلسطینی-اردنی شہری ہے جس نے امریکی سینیٹر رابرٹ ایف کینیڈی کو 5 جون 1968ء کو فائرنگ کر کے زخمی کر دیا تھا؛ اسی کے اگلے دن ہی ایف کینیڈی انتقال کر گئے تھے۔ عدالت نے مقدمہ کے نتیجہ میں ملزم کو جرم کا مرتکب پایا اور اسے عمر قید کی سزا سنائی تھی۔ وہ اب بھی سان ڈائیگو کاؤنٹی، کیلی فورنیا کے ایک قید خانے میں سزا کاٹ رہا ہے۔
| سرحان سرحان | |
|---|---|
 | |
| معلومات شخصیت | |
| پیدائشی نام | (انگریزی میں: Sirhan Bishara Sirhan) |
| پیدائش | 19 مارچ 1944ء (80 سال)[1][2][3][4] یروشلم [5] |
| مقام نظر بندی | رچرڈ جے ڈونوون کریکشنل فسیلٹی (2013–2021) |
| شہریت |  اردن [6][7][8] |
| مذہب | مسیحیت |
| عملی زندگی | |
| مادر علمی | جان میور ہائی اسکول پاساڈینا سٹی کالج |
| پیشہ | مہتم اصطبل |
| الزام و سزا | |
| جرم | قتل ( فی: 6 جون 1968)[9] |
 |
IMDB پر صفحات |
درستی - ترمیم  | |
سرحان کی پیدائش یروشلم، انتداب فلسطین کے ایک عرب فلسطینی مسیحی خاندان میں ہوئی۔[10][11] مغربی کنارے میں پلنے والا سرحان بچپن ہی میں اپنے بھائی سے محروم ہو گیا جو عرب اسرائیلی تنازع کے دوران مخالف توپوں سے بچ کر اِدھر اُدھر بھاگنے کے دوران مر گیا تھا، اس کی وجہ سے ننھے سرحان کو گہرا صدمہ لگا تھا۔[12]
جب سرحان 12 سال کا ہوا تو اس کا خاندان ریاستہائے متحدہ امریکا چلا گیا، پھر مختصر عرصے تک نیو یارک میں رہنے کے بعد کیلی فورنیا منتقل ہو گیا۔ الٹاڈینا میں وہ ایلیوٹ جونیئر ہائی اسکول میں پڑھا پھر پاساڈینا میں جان میور ہائی اسکول اور پاساڈینا سٹی کالج سے تعلیم حاصل کی۔ سرحان کا والد بشارہ ایک جابر آدمی تھا جو اکثر اپنے بیٹوں کو بے رحمی سے پیٹا کرتا تھا۔ خاندان کے کیلی فورنیا منتقل ہونے کے فوراً بعد بشارہ اکیلا مشرق وسطی واپس آ گیا تھا۔[13] بیس سال کی عمر میں جب سرحان کا 5 فٹ 5 انچ (165 سینٹی میٹر) قد اور 120 پونڈ (54 کلوگرام) وزن تھا، وہ گھڑ سوار کی تربیت حاصل کرنے کے لیے کورونا، کیلی فورنیا چلا گیا اور اصطبل میں کام کیا، لیکن ایک دوڑ کے حادثے کے دوران میں اسے سر پر چوٹ آئی جس کی وجہ سے وہ نوکری سے ہاتھ دھو بیٹھا۔[14]
سرحان کبھی امریکی شہری نہ بن سکا لیکن اس کی اردنی شہریت باقی رہی[11] جب وہ بالغ ہوا تو اس نے کئی دفعہ اپنے فرقے تبدیل کیے مثلاً اصطباغی سے سیونتھ ڈے ایڈونٹسٹ ہونا۔[15] پھر سنہ 1966ء میں اس نے روزی کروشی عقیدہ اپنا لیا۔[16]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
