اسکاٹش مصنف، سوانح نگار اور سفرنامہ نگار From Wikipedia, the free encyclopedia
جیمس باسویل (انگریزی: James Boswell) (پیدائش: 29 اکتوبر 1740ء - وفات: 19 مئی 1795ء) اسکاٹ لینڈ سے تعلق رکھنے والے انگریزی زبان کے مصنف، سفرنامہ نویس اور سوانح نگار تھا۔ وہ سیموئیل جانسن کے سوانح نگار کی حیثیت سے ادبی دنیا میں مشہور ہوئے۔
جیمس باسویل | |
---|---|
(انگریزی میں: James Boswell) | |
معلومات شخصیت | |
پیدائش | 29 اکتوبر 1740ء [1][2][3][4] ایڈنبرا [5][3][4] |
وفات | 19 مئی 1795ء (55 سال)[1][6][2][7][8][9][10] لندن [3] |
شہریت | مملکت برطانیہ عظمی مملکت متحدہ [11] |
عملی زندگی | |
مادر علمی | جامعہ ایڈنبرگ [5] جامعہ گلاسگو یوتریخت یونیورسٹی [5] |
پیشہ | روزنامچہ نگار ، مصنف [12]، وکیل [5]، سوانح نگار |
پیشہ ورانہ زبان | انگریزی [13][14]، فرانسیسی |
ملازمت | جامعہ ایڈنبرگ |
باب ادب | |
درستی - ترمیم |
جیمس باسویل 29 اکتوبر 1740ء کو ایڈنبرگ، اسکاٹ لینڈ میں پیدا ہوئے۔[15] ان کے والد اسکاٹ لینڈ کے ایک سربر آوردہ جج تھے اور انہی کے اصرار پر باسویل کو بھی قانون کی تعلیم حاصل کرنی پڑی، پھر ساری عمر وکالت کرتے رہے لیکن اس کی دلچسپی ہمیشہ ادبی سرگرمیوں پر مرکوز رہی۔ 1763ء میں باسویل لندن آئے۔ جہاں ان کی مشہور انگریزی ادیب سیموئیل جانسن سے ملاقات ہو گئی۔ وہ اس کا بڑا مداح بن گیا۔ لندن میں قیام کے دوران وہ سیموئیل جانسن کے بہت قریب آ گیا۔ اس کی کہی ہوئی باتیں وہ روزانہ نوٹ کرتا جاتا تھا۔ اسی کی بنیاد پر اس نے سیموئیل جانسن کی سوانح حیات مرتب کی، بعض نقادوں کا خیال ہے کہ جانسن آج باسویل کی اسی تصنیف کی وجہ سے اتنا مشہور ہے۔ باسویل کو سیر کا بہت شوق تھا، اس نے یورپ کا سفر کیا۔ وہاں والٹیئر اور روسو سے ملا۔ اسے ادبی شہرت کارسیکا کے بارے میں ایک سفرنامہ تحریر کرنے سے حاصل ہوئی۔باسویل ایک شرابی، عیاش اور شیخی باز شخص تھا، لیکن اس کے باوجود اس کے قلم سے اس معرکہ کی تصنیف کا نکلنا حیرانی کی بات ہے۔ باسویل کا شمار مغرب کے سوانح نگاروں کی صف اول میں ہوتا ہے۔ بلکہ بعض نقاد اسے سب سے بڑا سوانح نگار مانتے ہیں۔[16]
آخری عمر میں باسویل غربت اور خرابیِ صحت کا شکار رہے۔ عیاشی کی زندگی رنگ لائی۔ بعد کے دور میں باسویل کے کئی مسودوں، خطوط، مضامین وغیرہ کا پتہ چلا اور یہ کئی جلدوں میں شائع ہوئے۔ جیمس باسویل 19 مئی 1795ء کو لندن میں انتقال کر گئے۔[15][16]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.